کیچ: ڈویژنل فوڈ سیفٹی ٹیم ءَ سپرمارکیٹ ءَ پٹ ءُ پول کتگ بے مُدتیں چیز گپتگ ءُ ملامدار کتگ

بلوچستان ءِ دمگ کیچ ءَ تربت ءِ بازار ءَ ڈویژنل فوڈ سیفٹی ٹیم ءَ سپرمارکیٹ ءَ پٹ ءُ پول کتگ ءُ اود ءَ بے مُدتیں چیز گپتگ ءُ مارکیٹ ءِ واھند ملامدار کتگ –

تربت ءِ بازار ءَ مارکیٹ ءَ چہ انفکیشنیں چیز ءُ دگہ بے مدتیں چیز دزکپتگ اَنت ءُ مارکیٹ ءِ واھند بیھار دیگ بیتگ ءُ پد ءَ ملامدار کنگ بیتگ-

مارکیٹ ءَ چہ بے مدتین نوشگی چیز، فلیکس، ناہ، کیک ءُ ملک پاؤڈر، چاکلیٹ دز کپتگ اَنت ءُ چریشی ءَ مارکیٹ ءِ واھند ملامدار کنگ بیتگ-

ھمے وڑ ءَ یک ھوٹلے ءِ ساپ نہ بوگ ءِ سر ءَ اود ءَ ھم فوڈ سیفٹی ٹیم ءَ پٹ ءُ پول کتگ ءُ چریشی ءَ چہ ھوٹل ءِ توک ءَ ھچ سپاھی نہ بیتگ-

فوڈ سیفٹی ءِ ٹیم ءَ گوشتگ کہ اے انسانانی واستا ورگ جوڑ کنت بلے اے ھاٹل ھما کساس ءَ بے سپاھی اِنت کہ انسان چریشی ءَ چہ بازیں نادراھیانی آماچ بیت کن اَنت-

فوڈ سیفٹی ءَ ھوٹل ءِ واھند گڈی بیھار داتگ ءُ چریشی ءَ چہ اگاں دوبر ھوٹل چوش بیت گڑا ھوٹل ءِ سر ءَ ترندیں بیڑ برگ بیت اِنت-

زانگ بہ بیت بلوچستان ءَ چوشیں گر ءُ دار کنوکیں کارمند باز کم گندگ ءَ کیت اِنت اود ءَ اود ءَ ایس او پیز ءِ نیست ءُ نابودیانی سر ءَ ھزارانی نادراھی ردوم زرت کن اَنت-

چرے نادراھیاں انسانی جان ءُ ساھاں تاوانانی دیمپانی بیت اِنت ءُ اگاں ایس او پیز بہ بیت گڑا بلوچستان ءَ جوانتریں ھوٹل ءُ وردنی جاھاں مھلوک ءَ جوانیں چیز ءُ وردنیانی دزکپگ ءَ اود ءَ مھلوک چہ بازیں نادرھیاں رک ات کُت کنت-