ھاران: سپرلیگ کرکٹ ٹورنامنٹ ءِ بندات، مروچی اولی گوازی بیتگ

ھاران سپرلیگ کرکٹ ٹورنامنٹ ءِ مروچگیں لیب عارف جان ملنگزئی سپورٹس ءُ دوستین دشتی سٹارز ءِ میان ءَ لیب کنگ بیتگ مروچیگیں بُنگیجیلیب ءِ بندات ھاسیں مھمان بی این پی ءِ گوستگیں صدر ءُ گوستگیں تحصیل ناظم حاجی میر محمد جمعہ کبدانی ءَ کُتگ، آئی ءَ پچ سر ءَ بولشاٹ جتگ ءُ ٹورنامنٹ ءِ بندات کتگ –

لیب ءِ بندات ءَ شھید عارف جان ملنگزئی سپورٹس ءَ ٹاس کٹ اِتگ ءُ پیسر ءَ وت گوازی کنگ ءِ شور کتگ سرجمیں اورز ءَ دوستین دشتی کلب ءَ149 رنز ءِ ٹارگٹ داتگ چریشی ءِ دیمپانی ءَ دوستین دشتی کلب 149 ءِ ٹارگٹ ءَ سر نہ بیتگ ءُ سرجمیں ٹیم ءَ تھنا 123 رنز جوڑ کتگ ءُ درستآوٹ بیتگ اَنت ءُ ھمے وڑ شھید عارف جان ملنگزئی سپورٹس ءَ 25 رنز ءَ چہ لیب کٹ اِتگ –

بُنگیجی مراگش ءَ چہ حاجی میر محمد جمعہ کبدانی ءَ تران کنان ءَ گْوشتگ کہ لیب ءُ لیبی کجام ھما چاگرد ءَ ایمن، مھر ءُ یکجاھی ءِ نشانی اِنتگوازی ءِ شنگ ءُ تالان کنگ امن ءُ ایمنی جاور جوڑ کنت آئی ءَ گْوشتگ کہ ھاران ءَ کرکٹ،  فٹبال ءُ والی بال ءِ لیبیانی جزبگ ستا کرز اَنت ءُ لیبیانیدلبڈی دیگ ورناھانی سلّیں کار ءُ منشیات ءِ تباھی ءَ چہ رکّین اِیت –

آئی ءَ  سپر لیگ ٹورنامنٹ بُنگیجی ءِ سر ءَ مردم مراد بات داتگ ءُ ٹورنامنٹ کمیٹی ءِ ھاتر سی ھزار کلدار وھدے کہ دوئیں ٹیمانی واستا کلداریدادءِ جار جتگ ءُ باور کنائینتگ کہ گوازیانی مکابلہ ءَ برجم داشتگیں مردمانی جوانیں وڈے ءَ دلبڈی دیگ بنت –

ھمے درگت ءَ میر در محمد کبدانی سردار غلام جان بلانوشی، زکریا نور مینگل، حاجی حفیظ بلوچ، محی الدین بلوچ، صدام بلوچ، نجیب حسنآبادی، منظور احمد سیاپاد، سید نواز شاہ، امانت حسرت، راجیش گھرا، لیڈر خدابخش، اسلم بادینی، الیاس کبدانی، اصغر علی کبدانی، زکریاالیاس کبدانی،  محمود کبدانی ءَ ھوار دگہ ھم ساڑی بیتگ اَنت –