پاکستانی کلدار یک رندے پد ءَ نیزوری ءِ دیمپان چریشی ءَ چہ پد پاکستانی کلدار جھل کپتگ-
اردو نیوز ءِ رد ءزل پاکستانی کلدار ءِ نھاد یک رندے پد ءَ جھلی ءِ دیمپان – ڈالر ءِ دیمپانی ءِ نھاد ءَ دو ھپتگاں شری ءَ گندگ بیتگ ءُ دو ھپتگانی باپاری تکاں پد ءَ نزوری ءِ دیمپان بیتگ-
آدینگ ءِ روچ ءَ باپار ءِ بنداگ ءَ اوپن مارکیٹ ءُ انٹر بینک مارکیٹ ءَ ھردوکاں ڈالر گیشی ءَ گندگ بیتگ-
زرکاری تکاں بندوکیں زانتکارانی گوشگ اِنت میان اُستمانی تکاں تیل ءِ نھاد ءِ برز بیگ ءُ ڈالر ءَ ڈنی ڈیھاں اسمگلنگ ءِ سبب ءَ کلدار ءِ جھلی ءِ دیمپانی اِنت-
فاریکس ڈیلرز ءِ رد ءَ پاکستان ءَ آدینگ ءِ روچ ءِ بندات ءَ باپاری تکاں انٹربینک ءَ یک امریکی ڈالرے ءِ نھاد 218 کلدار ءَ 40 پیسہ ءَ چہ گیش بیتگ ءُ 218 کلدار ءُ 48 پیسہ بیتگ- اوپن مارکیٹ ءَ ڈالر ءِ نھاد 222 کلدار 80 پیسہ بیتگ زیرگ بیگ اِنت ءُ 225 بھا بیگ اِنت-
جنرل سیکریٹری ایکسچینچ کمپینیز آف پاکستان ظفر پراجہ ءَ گوشتگ کہ وفاقی وزیر ھزانہ اسحاق ڈار ءَ امریکہ ءَ میان اُستمانی زرکاری پنڈ (آئی ایم ایف) ءِ ڈپٹی مینیجنگ ڈائریکٹر ءَ گند ءُ نند کرتگ چریشی ءَ پد شریں کلوہ سر بیتگ بلے اشی ءَ ابید گوستگیں روچ ءَ چہ زرا جھلی ءِ دیمپانی اِنت-
دو ھپتگاں زر ءِ نھاد ءِ شر بیگ ءَ پد یک رندے پد ءَ جھلی ءِ دیمپانی ءِ کپگ برجاہ اِنت اشی ءِ سبب ءَ میان اُستمانی تکاں تیل ءِ نھاد ءِ برز بیگ ءُ پاکستان ءَ تیل ءِ نھادانی دیگ ءَ ڈالر دیگی ءِ دیمپانی اِنت چریشی ءَ چہ پاکستان ءِ زرمالی ءِ بنجل ءَ آسرکپگ اِنت-
آئی ءَ گوشتگ کہ ڈیھ ءَ ڈالر گیر کانونی ءَ آرگ بیگ ءَ اِنت ءُ چریشی ءَ ادارھانی گون ءَ گیش کڈن کنگ ءِ گپ بیتگ اَنت-