واشک: تیرگواری ءَ یک مردمے بیران ءُ دو زدگ بوتگ انت

بلوچستان ءِ دمگ واشک ءَ تیرگواری ءِ وئیل ءَ یک مردمے بیران بوتگ ءُ وھدیکہ دو مردم زدگ بوتگ انت –

تیرگواری ءِ وئیل واشک ءِ دمگ شاہوگیڑی خرماگئے ءِ ھند ءَ بوتگ –

اھوالکار ءِ رِد ءَ اے وئیل ھما وھد ءَ بوتگ وھدیکہ گِس ءِ بندگ ءِ ٹیم ءَ یک کھول ءِ ورنایاں ھشت آؤرتگ انت ءُ آھاں ایرگیجگ ءَ بوتگ انت گڈا توکلی ءِ جھمنندے ءَ آھانی سر ءَ تیرگواری کتگ –

تیرگواری ءَ یک مردمے ھما دمان ءَ بیران بوتگ وھدیکہ دگہ دو سک باز زدگ بوتگ انت –

زدگ بوتگیں مردم ھما دمان ءَ ڈویژنل شیخ زاہد نادراھجاہ ھاران ءَ آرگ بوتگ انت کہ اود ءَ ڈاکٹراں آھانی ٹپ درمان کتگ ءُ شال ءَ دیم داتگ انت – وھدیکہ بیران بوتگیں ورنایے جون اژدری چار ءُ ٹپاس ءَ پس کھول ءِ ھوالگ ءَ داتگ –