بلوچستان ءِ جتاجتائیں دمگاں بیتگیں دگ ءُ دگہ وئیلانی آسر ءَ یک مردمے بیران ءُ ھشت ٹپی بیتگ اَنت-
سربوتگیں ھالانی رِد ءَ سے شمبے ءِ روچ ءَ شال ءِ دمگ سبی دگ غازی سٹیل مل ءَ کارکنگ ءِ وھد اناگاہ ءَ آس چست بیتگ چریشی ءِ آسر ءَ شرکت ءِ کارکنوکیں چار پوریاگر ظھیر عباس ء عباس، فیصل بشیر ء بشیر، اسد علی ء سرور ٹپی بیتگ اَنت-
ریسکیو واکدار ءَ ٹپی زوت پہ الاج ھاتر ءَ نادُراھجاہ ءَ برتگ اَنت-
دومی نیمگ ءَ ضلع قلات ءِ دمگ مغلزئی ءَ ناشناسیں مردماں محمد انور ء محمد یعقوب ٹک مغل جھمنند مغلزئی کارچ لٹ جتگ ءُ کُشتگ تچگ ءَ سوبمند بیتگ-
پولیس ءَ لاش دزگپتگ ءُ نادُراھجاہ ءَ پہ گیشیں چار ءُ ٹپاس ءَ پد کھول ءَ داتگ وھدے کہ وئیل پٹ ءُ پول بندات اِنت-
ھمے وڑ بلوچستان ءِ دمگ چمن ءَ بائی پاس ءَ تیرگواری ءِ آسر ءَ سے برات ٹپی بیتگ اَنت پولیس رِد ءَ وئیل وت ماں وتی جیڑھے بیتگ-