بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءَ کیچ ءَ پاکستانی پوج ءِ سر ءَ بیتگیں اُرش زمہ واری منّ اِتگ-
جارکش میجر گْوھرام بلوچ ءَ گْوشتگ کہ کیچ ءِ دمگ زامران ءَ گْوستگیں روچاں ھشت اکتوبر ءَ ساھت دوازدہ ءَ سرمچاراں زامری کور ءِ ھند ءَ پاکستانی پوج ءِ یک ویگو گاڑی یے نشانگ کتگ ءُ تباہ کتگ- چریشی ءَ چہ گاڑی ءَ سوار دو کارندہ ھما دمان ءَ مرتگ اَنت وھدے کہ سے ٹپی بیتگ اَنت-
میجر گوھرام بلوچ ءَ گْوشتگ کہ تباہ بیتگیں گاڑی ءُ اشی ءَ سواریں دُژمن پوجی کارندہ دمگ ءَ ٹٹ جنگ ءِ ھاتر ءَ سر بیتگ اَنت کہ اشانی سر ءَ اُرش کتگ-
جارکش ءَ گْوشتگ کہ دُژمن پوج ءِ دراھگ ءَ تاں اے اُرش برجاہ بنت-