ایران ءَ پولیس ءِ دست ءَ گرگ بیتگیں زالبول لَٹ ءُ کُٹاں بیران بیتگ ءُ پد ءَ آئی ءِ مات ءَ وتکشی کتگ-
ایران بنا بیتگیں شورشاں بازیں کچے ءَ مردم بیران بیتگ اَنت ءُ اے زھرشانیانی درچ داں انگت ءَ برجاہ اَنت گوستگیں روچ ءَ الزھرا یونیورسٹی ءَ ایرانی مھتر ابراھیم نفیسی ءِ آیگ ءَ اود ءَ نودربراں زھرشانی کنان ءَ آئی ءِ واتر روگ ءِ اوگان جتگ اَت –
ایرانی مھتر ابراھیم نفیسی الزاھرا یونیورسٹی ءَ یک مراگشے ءَ بھر زیرگ ءَ بیتگ ءُ اود ءَ آئی ءِ ھلاپ ءَ زھرشانی کنگ بیتگ ات-
عرب نیوز ءَ میٹرو ءِ درور دیان ءَ گوشتگ کہ شانزدہ سالی ئیں یوٹیوبر سارینہ اسماعیل زادہ ءَ گوستگیں ماہ ءَ کرج ءَ زھرشانیانی وھد ءَ پولیس ءَ باز لٹ ءُ کُٹ کتگ چریشی ءَ پد آئی ءَ ساہ داتگ اَنت-
رپورٹ ءِ رد ءَ لوگ ءِ مردماں بازیں روچاں سارینہ شوھاز کرتگ گڑا دھمی روچ ءَ واکداراں آئی ءِ دست ءَ داتگ-
سارینہ ءِ یوٹیوب ءَ ھنچیں تامر ھست اَنت برکہ ءِ سر ءَ نہ کنگ ءَ یک مردمے ءِ گون ءَ ناچ کنگ ءَ اِنت یک تامرے ءَ زالبولانی ھک ءَ گپ ءَ اِنت-
لوگ ءِ مردمانی نیمگ ءَ لاش ءِ دزگرگ ءَ باز رند ءَ جھد ءِ سر ءَ سکیورٹی کارمنداں آئی ءِ مات ءِ ملنڈی کرتگ ءُ آئی ءِ زھگ بے ھودیں پرکاریاں دزمانجن بیتگ ءُ ناشرکارے بیتگ-
بلے گڈی ءَ سارینہ ءِ لاش لوگ ءِ مردمانی دست ءَ دیگ بیتگ ءُ آئی ءِ مات ءَ لَٹ ءُ کٹ کرتگیں جون دیستگ ءُ آئی ءَ درد اوپار نہ کرتگ ءُ لوگ ءَ شتگ ءُ وتکشی کرتگ- دمگی رسانکدریں ادارھاں وئیل راست کرتگ –
انسانی ھکانی گل ایمنسٹی انٹرنیشنل ءِ گوشگ اِنت سکیورٹی واکداراں جنک ءِ لوگ ءِ مردمانی دپ ءِ بندگ ءَ زُلمانی آماچ کرتگ اَنت-
زانگ بہ بیت دومی نیمگ ءَ مھسا امینی پولیس ءِ دزگیری ءَ پد بیرانی ءِ ھلاپ ءَ داں انگت ءَ یک سد ءُ ھشتاد ءُ پنچ مردم بیران بیتگ اَنت کہ اشانی توک ءَ نوزدہ زھگ ھوار اَنت-
میٹرو ءِ گوشگ اِنت زھرشانیانی وھد ءَ بیران بیتگیں مردمانی لاش سکیورٹی کارمنداں دستیگ کرتگ اَنت ءُ کھولاں دستیگ کنگ ءِ درگت ءَ ترندیں بیھارانی گوزگ کپگ اِنت-