چہ بلوچستان ءَ پاکستانی پوج ءَ یک مردمے آوار جتگ ءُ ناشناسیں جاھے ءَ برتگ وھدے کہ یک مردمے آجو بیتگ-
سربوتگیں ھالانی رِد ءَ گوستگیں روچ ءَ پاکستانی پوج ءَ بلوچستان ءِ دمگ چہ نوشکی ءَ یک مردمے آوار جتگ ءُ گوں وت برتگ چریشی ءَ پد آ انگت بیگواہ ءَ اِنت-
بیگواھیں ورنائے پجّار سیف اللہ ء عظیم جھمنند بنڈالو نام ءَ چہ بیتگ کہ پوج ءَ نوشکی احمد وال ھند ءَ برجاھیں پانگس سر ءَ آوار جتگ ءُ بیگواہ کتگ –
ھمے وڑ گوستگیں روچاں نوشکی ءَ بیگواہ بیتگیں ورناہ غلام نبی ء غلام علی مینگل آجو بیتگ ءُ لوگ ءَ سر بیتگ-
زانگ بہ بیت بلوچستان ءَ اگاں یک مردمے یل کنگ بیت گڑا دگہ دو بیگواہ کنگ بیت ھمے وڑ بلوچستان ءَ ھمکروچ زورانسری آوار جنی ءِ دْرچ برجاہ ءَ اِنت –