شال ءِ دمگ سریاب ءَ ناشناسیں مردماں پی ٹی سی ایل کارگس گوں دزبمب ءَ نشانگ کتگ-
وئیل ءَ پد پوج ءُ پولیس وئیل جاہ ءَ سر بیتگ اَنت ، پولیس ءِ رِد ءَ تراک ءَ سرکاری ماڑی ءَ ساڑی ئیں یک کارندھے ٹپی بیتگ –
پولیس ءِ گوشگ ءِ رِد ءَ تراک ءَ چہ سریاب دگ ءَ سرجمیں دمگ جکسیتگ، وھدے کہ ٹپی پہ دوا درمان کنگ ءِ ھاتر ءَ سول نادُراھجاہ برگ بیتگ-
زانگ بہ بیت سرکاری ماڑی ءُ دگہ اُرشانی زمہ واری گیشتر بلوچ آجوئی لوٹوکیں سلاہ بندیں گلاں زرتگ اَنت-
تنی وھدے تراک ءِ زمہ واری ھچ گل ءَ نہ زرتگ-