گوادر: وانگجاہ ءِ پرنسپل ءِ بگیری ءَ نودربرانی زھرشانی

بلوچستان ءِ تیادپی شھر گوادر ءَ مروچی نودربراں زھرشانی کنان ءَ دگ بند کتگ ءُ وائس پرنسپل جی ڈی اے اسکول گوادر ءِ نودربرانی گون ءَ ناوشیں رویش ءُ انتزامیہ ءِ نادلگوشی ءِ ھلاپ ءَ گوادر ڈیولپمنٹ اتھارٹی آفس ءِ دیم ءَ نندانک جتگ-

نندانک ءِ درگت ءَ یک نودربرے ءَ دی بلوچستان پوسٹ ءَ گوں گپ کنان ءَ گوشتگ ئِے کہ وھدیکہ وائس پرنسپل اسٹوڈنٹ ءَ دل ءِ گون ءَ نپرت ءِ آس ءَ روک کنت گڑا بس نپرت ودی بنت-

آئی ءَ بھتام جتگ کہ پرنسپل ھروھد ءَ آیاں ترسین ایت کہ شمئے سیادی بلوچ آجوئی لوٹوکیں سلاہ بندیں گلان انت-

آئی ءَ گوشتگ پرنسپل ءَ بلوچانی زھنی مازگی ءَ سرپد نہ اِنت ھمک روچ نودربرانی ازت ءَ پادمال کنت ما ھر وڑ ءَ اے وڑیں چیزاں اوپار کت نہ کن ایں ما لوٹ کن ایں اے پرنسپل کشگ بہ بیت اِنت ءُ یک کابل ءُ شریں پرنسپلے دارگ بہ بیت دانکہ مئے آوکیں باندات جوان بہ بیت –