کراچی: جمعیت اھل حدیث ءِ رھشون دیم ءَ آرگ بیتگ

کیچ ءِ دمگ تربت ءَ سیادی داروکیں جمعیت اھل حدیث ءِ دمگی رھشون بازیں مدتے ءَ بیگواھی ءَ پد دیم ءَ آرگ بیتگ

سربوتگیں ھالانی جمعیت اھل حدیث ءِ دمگی رھشون شیخ الحدیث مولانا ایاز نور تگرانی بازیں مدتے ءَ بیگواھی ءَ پد ءَ دیم آرگ بیتگ-

اھل حدیث اِھوالکاراں آئی ءِ یل کنگ ءِ گپ راست کُتگ ءُ گْوشتگ کہ مولانا ایاز نور تگرانی شمبے ءِ روچ ءَ کراچی ءَ سندھ ءِ پولیس ءِ دست ءَ داتگ ءُ آ اے وھد ءَ سنٹرل جیل ءَ بند اِنت-

زانگ بہ بیت مولانا ایاز ھمے سال ءِ دوازدہ اگست ءِ شپ ءَ کراچی ءِ دمگ لیمارکیٹ ءَ یک ھوٹلے ءَ زورانسری آوار جنگ ءَ پد بیگواہ کتگ اَت –

آ شومک ءِ الاج ءِ ھاتر ءَ کراچی ءَ ساڑی بوتگ کہ چیریں ادارھاں آوار جتگ ءُ گوں وت برتگ –

بازیں مدتے بیت کہ آ شومک نادُراھی ءِ آماچ اِنت پہ الاج ءِ ھاتر ءَ کراچی ءَ اَتکگ ءُ شتگ-