روکپتی بلوچستان ءِ بنجاھی شھر زاھدان “دزاپ ” ءَ چیریں ادارھانی کارمنداں یک مردمے آوار جنگ ءَ پد بیگواہ کرتگ –
گیشیں ھالانی رد ءَ پشمبے ءِ روچ ءَ زاھدان ءَ ایرانی چیریں ادارھانی کارمنداں نوزدہ سالیگیں ورنایے آوار جنگ ءَ پد ناشناسیں زنداناں برتگ-
آوار جنگ بیتگیں ورنا ءِ پجار شعیب میر بلوچ زئی جھمنند زاھدان ءِ نام ءَ زانگ بیتگ –
ورنا ءِ گرگ ءَ پد آئی ءِ کھول چیریں ادارھانی گور ءَ شتگ اَنت بلے آیاں پد ءَ شعیب آوار جنگ نہ من اتگ-
آئی ءِ کھول ءَ را چیرین ادارھاں رھوت کرتگ ءُ گشتگ کہ ما برتگ بلے پد ءَ وھدیکہ آیانی مردم شتگ اَنت آیاں آئی ءِ آوار جنگ نہ من اتگ-
زانگ بہ بیت گوستگیں آدینگ ءَ زاھدان ءِ وئیل ءَ پد بازیں کچے ءَ مردم گرگ بیتگ اَنت آیانی توک ءَ گیشتر گرگ بیتگیں مردمانی کچ بیست سال ءَ چہ کم اِنت-