ایران ءَ ناشریانی پشت ءَ امریکہ ءُ اسرائیل ءِ دست ھوار اَنت – ایرانی سپریم لیڈر

ایران ءِ سپریم لیڈر آیت اللہ علہ خامنہ ای ءَ گوشتگ ڈیھ ءَ برانز گپتگیں زھرشانیانی پشت ءَ امریکہ ءُ اسرائیل ءِ دست ھوار اَنت-

فرانسیسی ھبر رساں ادارہ اے ایف پی ءِ رد ءَ آیت اللہ علی خامنہ ای ءَ گوشتگ اشی ءَ تچک ءَ گسش آں ایران بیوکیں ناشریانی پشت ءَ امریکہ ءُ صھیونی سرکار ءِ نیمگ ءَ ھیلکاری بیتگ انت کہ آیان چہ پوڑی ورگ ءَ اَنت ءُ اشاں دلار بھر زورگ ءَ اَنت ءُ آیان درانڈیھاں نشتگیں ایران ءِ گدارانی پلامرزی گون اِنت-

مھسا امینی ءِ بیرانی ءَ پد مھلوک ءِ پھناتاں برانزی ءَ پد اولی رند ءَ ھشتاد ءُ سی سالاں رھشونی کنوک ءِ دیدانک دیم ءَ اتکگ چریشی ءَ آئی ءَ پولیس ءَ را کڈن کرتگ کہ آ جرمکارانی دیم ءَ بہ اوشتیت –

آئی ءَ گوشتگ کہ پولیس ءِ سر ءَ اُرش بیگ ءَ اَنت آ مردماں جرمکار بدماش ءُ دُزانی دیمپانی ایوک ءَ کنگ ءَ اِنت-

زانگ بہ بیت شانزدہ ستمبر ءَ پولیس ءِ دزگیر کرتگیں زالبول مھسا امینی مرگ ءَ پد بندات بیتگیں زھرشانیاں داں انیگ ءَ گیش بیگ ءَ اَنت اے زھرشانیاں داں انگت ءَ بازیں کچے ءَ مردم مرتگ اَنت کہ اشانی بازیں کچے ءَ سیکیورٹی کارمند ھم ھوار اَنت-

دو شمبے ءِ روچ ءَ ایران ءِ بنجاھی شھر تھران ءَ یک یونیورسٹی ءِ نودربرانی گون ءخ پولیس ءِ کارمندانی جنگ ءُ چوپ بیتگ اے وھد ءَ بازیں مردم دزگیر کنگ ھم بیتگ اَنت-

ھبررساں ادارہ اے ایف پی ءَ ایرانی سرکاری رسانکدر ءُ انسانی ھکانی گلانی درگت ءَ گوشتگ ات تھران ء شریف یونیورسٹی آف ٹیکنالوجی ءَ زھرشانی کنوکیں سدانی کچ ءَ نودربرانی سر ءَ سیکورٹی کارمنداں آنسو گیس ءُ پیلٹ گنز کارمرد کرتگ-

پولیس ءِ نیمگ ءَ زھرشانی کنوکانی سر ءَ نارویشیں لٹ ءُ کُٹاں انسانی ھکانی گلاں پدردی درشان کتگ-

ایران ہیومین رائٹس گروپ ءَ ٹویٹ ءَ گوشتگ کہ شپ ءَ پولیس ءَ تھران ءَ شریف یونیورسٹی ءَ بیڑ برتگ ءُ تیرانی توار ھم اشکنگ بیتگ اَنت-

ھمے رنگ ءَ چاگردی رسانکدراں شنگ بیتگیں تامر بنداں ھم گندگ بیت اِنت کہ اود ءَ نودربر اوگام جنگ ءَ اَنت کہ مہ ترس ات ما درس ھوار اِنت-

ایراب ہیومین رائٹس ءَ گوشتگ تامر تھران شریعتی میڑو اسٹیشن ئیگ اِنت –

انسانی ھکانی امریکی ٹولی ءِ سینٹر فار ہیومن رائٹس ان ایران ءَ گوشتگ کہ شریف یونیورسٹی ءَ چہ شنگ بیتگیں تامرانی تہ ءَ گندگ بیتگین پدردی اَنت کہ چریشی ءَ نودربرانی سر ءَ لٹ ءُ کُٹ بیگ ءَ اِنت –