زورگریں پاکستانی پوج سرمچارانی شھید کنگ ءِ ٹاہ دروگ اَنت- بی آر جی

بلوچ ریپبلکن گارڈز ءِ جارکش ءَ وتی شنگ کتگیں درشان ءِ تہ ءَ گْوشتگ کہ گوستگیں روچ ءَ زورگپتگیں بلوچستان ءِ دمگ ڈیرہ مراد جمالی ءَ نوتال ءِ ھند ءَ وتگڑیں سی ٹی ڈی ءُ چیریں ادارھاں میڑ ءَ بلوچ ریپبلکن گارڈز ءِ سرمچارانی شھید کنگ پاکستانی ٹاہ تھنا پوج ءِ پروپگنڈہ ءُ دروگ اَنت-

آئی ءَ گْوشتگ کہ بلوچ جُھد ءَ گر ءُ دار ءَ وتی بے سوبی ءِ چیر دیگ ءِ ھاتر ءَ زورگریں پاکستانی پوج زورانسری آوار جنی ءِ نشانگ بیتگیں بلوچاں شھید کن اَنت آیاں بلوچ سرمچار پدر کنگ ءِ جُھد ءَ اَنت-

جارکش ءَ گْوشتگ کہ بلوچ ریپبلکن گارڈز راجی جُھد آجوئی ءِ میان ءَ سنگتانی شھادت ءِ سر ءَ پھر بند اِیت – شھادت مئے مول ءُ مراد اِنت – وھدے مئے کجام ھما سرمچارے شھید بیت گڑا گل پھری سر ءَ آئی ءِ جار ءَ جنت ءُ شھید ءَ را پوجی شرپ ءُ ستاشانی ءَ سُھرچکیں دروت ندر ءُ رکُست کنت- اگاں مئے کجام ھما سنگتے اے وڑیں میڑ ءَ شھید بیت گڑا ما پہ پھری ءَ آئی ءَ منّ ایں-

جارکش ءَ دیمتر ءَ گْوشتگ کہ ھمے چاریں مردم شھید کتگ اَنت آ پیسر ءَ پاکستانی چیریں ادارھانی آزارجاھاں بیتگ اَنت-