بیگواھیں بلوچانی یل کنائینگ ءِ ھاتر ءَ جُھد کنوکیں گل وائس فار بلوچ مسنگ پرسنز ءِ وائس چیئرمین ماما قدیر بلوچ ءَ گْوشتگ کہ سی ٹی ڈی ءَنیمگ ءَ شنگ کنگ بیتگیں ریڈ بُک (سُھریں دپتر) ءَ انچیں مردمانی نام ھوار اَنت کہ سالاں چہ بیگواہ اَنت-
ماما قدیر بلوچ رِد ءَ سی ٹی ڈی نیمگ ءَ چہ شِنگ بیتگیں ریڈ بُک (سُھریں دپتر) ءَ ھما مردم کہ یاگی گْوشگ بیتگ اَنت اشانی تہ ءَ بازیں مردمےبازیں سالاں چہ بیگواہ اَنت ءُ اشانی کھول وائس فار بلوچ مسنگ پرسنز پلیٹ فارم ءَ چہ وتی دوستیگانی یل کنائینگ ءِ ھاتر ءَ زھرشانی کنگ ءَاَنت-
ماما قدیر ءَ گْوشتگ کہ سی ٹی ڈی ءِ نیمگ ءَ چہ جان محمد ء عبدالرحمان یاگی گْوشگ بیتگ کہ آ 26 جولائی 2015 چہ برما ھوٹل سریاب شالءُ نوروز ء حاجی خان جھمنند اسپلنجی دست مستونگ 26 فروری 2016 ءَ آوار جتگ اَنت کہ آیانی کھول اَتکگ ءُ گپ تران کتگ ءُ یل کنائینگ ءِھاتر ءَ زھرشانی ءَ ھوار بیتگ اَنت-
زانگ بہ بیت پاکستان ءِ کاؤنٹر ٹیررازم ڈیپارٹمنٹ ءِ نیمگ ءَ لسٹے شنگ کنگ بوتگ آئی ءِ تہ ءَ بلوچ سلاہ بندیں گلانی سروک ءُ بازیں بلوچسرمچارانی نام ھوار اَنت-
اے لِسٹ ءِ درگت ءَ ماما قدیر ءَ گیش پدر کتگ ءُ گْوشتگ کہ اشی ءِ تہءَ انچیں مردمانی نام ھوار اَنت کہ آ پوج ءَ بندیگجاھاں شھید کتگ اَنت-
زانگ بہ بیت سی ٹی ڈی ءِ کردگار ءَ پیسر ءَ چہ بلوچ راجدوستانی شکی نامینتگ، راجدوستانی رِد ءَ سی ٹی ڈی ھما کار ءَ کنگ ءَ اِنت کہ پیسرچیریں ادارھاں کتگ اَنت، ھما کار ءَ نام بدل کنگ ءُ برجاہ دارگءَ اَنت-
سی ٹی ڈی ءِ سر ءَ بھتام جتگ ءُ گْوشتگ کہ آ مردم کہ زورانسری آوار جنی ءَ ھوار بیگواھیں مردماں دروگیں میڑانی تہءَ کُشگ ءَ اَنت ھم- سیٹی ڈی ءَ دو روچ ءَ ساری نصیر آباد ءَ چار مردم میڑ ءَ جنگ ءِ ٹاہ جتگ کہ تنی وھدے اشانی تہءَ سے مردمانی پجّار پیسرءَ بیگواھیں مردماں چہبیتگ کہ آ پیسر ءَ چہ بندیگ بیتگ اَنت-
ماما قدیر بلوچ ءَ بیگواھیں مردمانی کھولانی سرءَ زور داتگ کہ آ بیا اَنت وتی دوستیگانی یل کنائینگ ءِ ھاتر ءَ توار چست بہ کن اَنت، بے تواربوگ ءَ چہ آیانی دوستیگیں مردمانی زندمان گیش تُرس تہ ءَ اِنت-
زانگ بہ بیت وائس فار بلوچ مسنگ پرسنز بلوچستان ءَ بیگواھیں مردمانی یل کنائینگ ءِ ھاترءَ یک دھکے ءَ چہ زھرشانی ءَ اِنت، مروچی وی بی ایمپی ءِ شُدکشیں ھڑتالی بُنجل ءَ چار ھزار ھپسد ھپتاد نُھ روچ سرجم بیتگ، چہ پنجگور ءَ سیاسی چاگردی باسک داد محمد، الطاف بلوچ ءُمنظور بلوچ بُنجل ءَ اَتکگ ءُ یکجاھی درشان ءِ کتگ-