دشت: پاکستانی پوج پشت کنزی کتگ، پسھی اُرش ءَ چار کارندہ کشتگ اَنت – بی ایل ایف

بلوچستان لبریشن فرنٹ ءِ جارکش میجر گوھرام بلوچ ءَ ناشناسیں جاھے ءَ رسانکدراں شنگ کرتگیں درشانی ءَ گوشتگ گوستگیں روچ ءَ 30 ستمبر ءَ آدینگ ءِ روچ ءِ ساھت ھپت ءُ نیم ءَ سرمچاراں کیچ ءِ دمگ دشت نلی کور ءَ پاکستانی پوج ءِ سر ءَ ھما راہ بستگ ءُ اُرش کتگ کہ دشمنیں پوج وتی زوراکیانی گیش کنگ ءَ اے دمگاں پترگ ءَ بیتگ سرمچاراں وتکاریں سلاھانی گون ءَ زورگریں پاکستانی پوج ءِ سر ءَ اُرش کتگ ءُ چار پوجی کارندہ ھما جاہ ءَ کُشتگ اَنت ءُ بازینیں زدگ کتگ اَنت-

جارکش ءَ گوشتگ کہ اُرش ءَ پد پروش وارتگیں دشمنیں پوج ءِ کمک ءَ گن شپ ھیلی کاپٹر سر بیتگ اَنت-

آئی ءَ گوشتگ کہ دشت ءِ دمگ مزن بند ءَ گوستگیں ھشت روچاں پاکستانی پوج ءِ زوراکی برجاہ اَنت، دشت، بل نگور، تمپ ءِ نیمگ ءَ ھم پاکستانی پوج بازیں کچے ءَ ساڑی اِنت-

جارکش ءَ گوشتگ اے دمگاں پاکستانی پوج ءِ زوراکی ترندی ءَ گوں برجاہ اَنت – جنگ ءَ دشمنیں پوج ءِ پروش ورگ ءَ پد سرمچاراں جوانیں جنگی رپکاں وت ءَ مھکمیں جاھاں سر کرتگ –