لیاری: پاکستانی پوج ءَ بلوچ ورنایے زورانسری آوار جتگ ءُ بیگواہ کتگ

سربوتگیں ھالانی رِد ءَ کراچی ءِ بلوچانی دمگ لیاری ءَ پاکستانی پوج ءَ پت ءِ گوں ھمراھے چُک ءَ زورانسری آوار جتگ ءُ بیگواہ کتگ انت –

گیشیں ھالانی رِد ءَ گوستگیں شپ ءَ پاکستانی پوج ءَ لیاری ءِ دمگ کلری سرگوات ءَ اصغر ءِ گِس ءَ بیڑ برتگ ءُ اصغر ءُ آئی ءِ چُک سراج زورانسری آوار جتگ ءُ بیگواہ کتگ انت –

اھوالکار ءِ رِد ءَ پوج ءَ اصغر پدا رند ءَ یل داتگ بلے آئی ءِ چُک سراج ھنگت بیگواہ انت –

دمگی اھوالکار ءِ رِد ءَ لیاری ءِ دمگ کلی سرگوات ءُ کش ءُ کری دمگاں بازیں روچ ءِ بیت کہ پاکستانی پوج ءُ چیریں ادرھانی کارمندانی تر ءُ تاب ءِ تہ ءَ گیشی اتکگ ءُ چریشی ءَ دمگ ءِ مردمانی تہ ءَ تُرس ءِ ودی بوتگ –

زانگ بہ بیت پاکستانی پوج، رینجرز ءُ چیریں ادارھانی کارمنداں چہ لیاری ءَ پیسر ءَ ھم بلوچ ورنا آوار جتگ ءُ بیگواہ کتگ انت –