ایران ءَ 22 سالی ئیں جنک مہسا امینی ءِ کوش ءَ دہ روچ ءَ برجاھیں زھرشانی سرجمیں ڈیھ چِلّ شھر ءَ تلان اِنت-
روکپتی رسانکدری اِھوالکارانی رِد ءَ زھرشانی بگیری ءَ پھازوکی لشکر ءِ کریک ڈاؤن ءِ بیرانیانی کچ 76 ءَ سر بوتگ اَنت، اشی ءَ اَبید ھپدہ اھوالکاراں ھوار کم چہ کم 1200 مردم دزگیر کنگ بوتگ اَنت-
دومی نیمگ ءَ ایرانی سدر ابراھیم رئیسی ءَ پد چیف جسٹس ءَ ھم زھرشانی کنوکانی بگیری ءَ بید نرمی پیشداروکیں شور کنگی گامگیج زور داتگ-
یکنیمگے رسانکدر پیشدار ءُ ڈیھ ءِ تھی جیڑہ ءَ دزمانجی ءِ بھتام ءَ ایران ءَ برطانیہ ءُ ناروے ءِ سپیر لوٹائنتگ اَنت ءُ زھرشانی ءِ ھک ءَ امریکی پلامرزی سر ءَ تنکید کتگ-
زانگ بہ بیت ایران پولیس ءِ دست ءَ مہسا امینی دل گرگ ءَ 16 ستمبر ءَ بیران بوتگ- 22 سالی ئیں مہسا امینی ءَ تھران ءَ اسکارف گور نہ کنگ ءِ سر ءَ گپتگ-
مہسا امینی ءِ کوش ءَ پد ایران ءِ جتائیں شھراں زھرشانی برجاہ ءَ اِنت، زھرشانی کنوکاں لوٹ کتگ کہ ھجاب سر ءَ پابندی ءُ زالبولانی سر ءَ زوراکی ءَ ھلاس بہ کن اَنت-