سعودی عرب ءِ گوستانک ءِ تہ ءَ اولی رند ءَ ٹیلنٹ شو پیش دارگ بیت اِنت

سعودی عرب ءَ “سعودی آئیڈل ” ءِ نام ءَ ازم پیش دارگ ءِ مراگش تیاری تیزی ءِ گوم ءَ برجاہ انت – اے مراگش ھندوستان ءِ انڈین آئیڈل دروشم ءَ بیت اِنت ، اے دابیں مراگش سعودی عرب ءِ گوستانک ءِ تہ ءَ اولی رند ءَ پیش دارگ بوگ ءَ انت –

رسانکدرانی رِد ءَ سعودی عرب ءِ سیل سواد ءِ جنرل اتھارٹی ءِ سرکماش بورڈ آف ڈائرکٹرز ترکی آل شیخ ءَ جوانتریں سعودی مراگش بزاں سعودی آئیڈل ءِ بندات کتگ مراگش ءِ جیوری ءَ ازمکار اصیل ابوبکر، اماراتی گشندہ احلام، شامی گشندہ اصالہ ءُ عراقی کمپوزر ماجد علی ھوار بنت –

سعودی مراگش ایم بی ایس ٹولی ءُ جنرل انٹرٹینمٹ اتھارٹی ءِ ھمراہ داری ءَ پیش دارگ بیت اِنت کہ دو بھر انت –

عرب آئیڈل ءِ اولی بھر دسمبر ءِ میان ءَ بندات بیت کہ ٹپاسی بیت آئی ءَ پد یانزدہ جنوری دوھزار بیست ءُ سَے ءَ دومی بھر بندات کنگ بیت ءُ مراگش تچکی پیش دارگ بیت اِنت –