بلوچستان ءِ دمگ کیچ ءَ سلاہ بندیں مردماں تیرگواری کرتگ ءُ یک مردمے کُشتگ-
تیرگواری ءِ وئیل کیچ ءِ دمگ بھمن ءَ پیش اتکگ کہ اود ءَ سلاہ بندیں گاڑی سواراں تیرگواری کرتگ ءُ یک مردمے کشتگ-
بیران بیتگیں مردم ءِ پجار مھمدشعیب ء محمود جھمنند کلاتک ءِ نام ءَ زانگ بیتگ ءُ وئیل ءِ درگت ءَ دگہ گیشیں ھال نہ بیتگ اَنت-
دومی نیمگ ءَ ناگ ءَ دُزانی دُزی ءِ وھد ءَ دُزانی تیرگواری ءَ یک مردمے زدگ بیتگ-
ھالانی تہ ءَ گوشگ بیتگ کہ ناگ ءِ دمگ رخشان ءِ ھند چھکول ءَ دُزاں ماسٹر ثناء امین ء امین جان ءِ پسانی دُزگ ءِ جھد کرتگ چرے میان ءَ گھگیری ءَ دزاں تیرگواری کرتگ ءُ غلام قادر زدگ بیتگ-
دز شپ ءِ تھاری ءَ تتکگ ءُ شتگ اَنت لیویز انتزامیہ دمگ ءَ سر بیتگ ءُ زدگ بیتگیں مردم ناگ آر ایچ سی ھسپتال ءَ برگ بیتگ-