نبشتانک: نرمزاریں گنجل
نبشتہ کار: گُلزمین بلوچ
دی بلوچستان پوسٹ
اِشک ءِ پارسائی ھمش اِنت آشک ءِ دل ءَ بس ھمے جوزگ ءَ ودّین اِیت کہ بس کُربان بیگی اِنت وھدیکہ یک زانتکار ءُ راج دوستے وتی زندگی ءِ پلسپہ ءَ سرپد بیت اِنت گُڑا آئی ءِ دل ءَ بس من یک مکسدیں جاھے ءَ کُربان ببان ءُ کُربان بیت اِنت-
مرچی من یک انچیں یک ھستی ءِ واستا نبشتہ کنگ ءَ آں دُژمن ءِ دل ءَ یک بیمّے اَت گنجل جان نزاناں کُجا چے بِندات بکن آں ءُ کُجا چے ھلاس، گنجل جان ما کل زانیں تو پُلیں سرگوات ءَ ودی بیتگے ھما پُلیں سرگوات ءَ تئی سر ءَ مُدام پھر ءُ ناز کتگ، گنجل جان ما کُل زانیں تئی وڑیں بھادریں نرمزار ءُ جنگولیں بچ راجدپتر ءِ تہ ءَ مُدام ودی بنت گنجل جان تئی شھادت ءِ روچ تئی لُمہ جان ءُ باوہ جان ھچ سھیگ نہ بوتگ اَنت بلے وھدیکہ تئی لُمہ جان ءَ تئی شھادت ءِ ھال سر بوت تو زان ئے گنجل جان تئی لٌمہ جان چے گُشت؟ تئی لٌمہ جان گوش ایت بس منی گُڈی واہلھگ ھمے بوتگ وتی بچ ءِ گُڈی دیدار ءَ بکناں بلے اے زالمیں رستراں تئی ءُ تئی سنگتانی لاش نہ دات اَنت بلے ماں زان ئے شُما پہ بھادری ءُ نرمزاری ءَ گو گُڈی تیراں جنگ داتگ-
گنجل جان ترا مرچی یک سالے سرجم بوتگ بلے ما ھچ گمیگ نہ ایں چیا کہ تو شھیدانی لڑ ءَ آوار بوتگ ئے تو مُدام زندگ ئے مئے دلانی تہ ءَ تو سرجمیں راج ءِ دل ءَ زندگے گوں مارا آوارے-
گنجل جان ترا یاد بیت تو گُشت اگاں من شھید بوتاں منی سر ءَ آرٹیکلے الم نبشتہ بکن
من وھدیکہ قلم ءَ دست ءَ کناں گُڑا دست ھم منی لرزگ بندات کنت گنجل جان تو ءُ تئی سنگت شُما ھما جنگول بوتگے پہ جنگ ءَ شیدائی بوتگے گنجل جان من تئی ءُ تئی سنگتانی اکس دیستگ اِت آں من زانت شُما دُژمن ءِ گون ءَ سک جنگ داتگ داں گُڈی تیراں شُما سر داتگ بلے زمین نہ داتگ اے زمین ءِ اِشک ءِ کہ شُمئے ارواھاں گو وت کنت شُمارا گو اشک پرمائیت ترا آوار بلوچستان ءِ گُلیں شھیداں سُھریں دروت-
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔