جھان ءِ نامداریں ٹینس ءِ لیبی راجر فیڈرر ٹینس گوازی یل داتگ

میان استمان ءَ نامداریں انٹرنیشنل ٹینس اسٹار راجر فیڈرر ءَ لیورز کپ ءَ پد میان استمانی کیریر ءِ آسری ءِ جار جتگ –

اے ایف پی رسانک ءِ رِد ءَ چِل ءُ یک سالیگیں فیڈرر ءَ لیور کپ ءِ گڈی گوازی وتی سنگت ءُ ھسپانوی نامداریں گوازی کنوک رافیل نڈال ءِ ھمراھی ءَ کتگ فیڈرر ءَ گوازی ءَ پد وھدے نڈال ءُ جوکوچ ءَ ھوار دگہ سنگت گلائیش کرتگ انت ارسیگ بوتگ وھدیکہ ھمے میان رافیل نڈال ءَ ھم وتی ارس داشت نہ کرتگ انت –

بیست گرینڈ سلیم ءِ کٹگ ءَ ھوار ھوار بازیں دگہ باج وتی نام کُتگیں ٹینس ءِ اسٹار فیڈرر ءَ رؤگ ءِ گڈی وھدی گوشتگ کہ اے یک وشیں روچ ءِ بوتگ، من دلرنج نہ آں بلکنہ وشاں، من اے جاہ ءَ اتکگ ءُ سر بوتگ انت من سک گلاں –

لیورز کپ ءَ یورپ ءُ دگہ سرجمیں جھان ءِ میان ءَ بوتگیں گوازیاں فیڈرر ءِ گوں رافیل ھمراھی ءَ گڈی گوازی جیک سوک ءُ فرانسس ٹیافو میان ءَ بوتگ وھدیکہ فیڈرر ءَ وتی گڈی گوازی ءَ سیل چاروکانی منت گپتگ ھمے وھد ءَ لئیب ءِ میدان فیڈرر نام گران ءَ سیل چاروکانی توار جکس اتگ –

سوئس اسٹار ءَ بیست ءُ پنچ سالانی تہ ءَ ھشت ومبلڈن اوپن، ھپت آسٹریلین اوپن، چار یو ایس اوپن ءُ یک فرنچ اوپن داد ءَ ھوار سرجمی ءَ بیست گرینڈ سلیم داد وتی نام ءَ کرتگ انت –

آئی ءَ اے میان ءَ یکسد ءُ سَے اے ٹی پی داد کٹ اِتگ، شش اے ٹی پی فائینل کٹ اِتگ انت وھدیکہ یک ڈیوس کپ داد ءَ ھم باج برتگ – آئی ءَ وتی کیرئیر ءِ میان ءَ سَے سد ءُ دہ ھپتگاں میان استمان ءَ اولی نمبر ءَ بوتگ فیڈرر ءَ یکشل ءَ دو سد ءُ سِی ءُ ھپت ھپتگاں میان استمانی نمبر یک ءِ ریکارڈ وتی نام ءَ کتگ وھدیکہ سرجمی ءَ آ سِی ءُ یک گرینڈ سلیمز فائنل ءِ ھاتر ءَ پٹ ءَ اتکگ –

رسانکدر ءِ رِد ءَ یک دھکے ءَ ٹینس ءِ دنیا ءَ مستری کنوکیں لئیبی امبر ءِ گیش بوھگے سوب ءَ بازیں نادراھیانی آماچ بوان بوتگ ءُ آئی ءِ کرد ھم روچ پہ روچ ھرابتر بوان بوتگ –

دوسال ساری آئی کونڈ ٹپی بوتگ انت ءُ اے ٹپانی وش بوگ ءُ ٹینس ءِ کورٹ واتر بوگے ھاتر ءَ آئی سَے آپریشن کتگ بوتگ بلے آئی اے دراھیں جھد انٹرنیشل ٹینس ءَ کورٹ ءَ سوبمندی ءَ واتر اتک نہ کتگ ھمے سوب ءَ آئی ءَ گوستگیں ھپتگ ءَ ٹینس کورٹ مدامی یل دیگے پیسلہ کتگ –