کابل ءَ تراک ءِ آسر ءَ بازیں مردمے بیران ءُ ٹپی بوتگ اَنت

اوگانستان ءِ شھر کابل ءَ مسیت ءِ تہ ءَ تراکے بوتگ چریشی ءِ آسر ءَ پنچ ءَ گیش مردم بیران ءُ بازین ئِے ٹپی بوتگ اَنت-

درملکی رسانکدر ایجنسی ءِ رِد ءَ تراک اوگانستان ءِ یک مزنیں مسیت ءَ وزیر اکبر ءَ آدینگ نماز ءَ پد ھما وھد ءَ بوتگ وھدے نمازی مسیت ءَ چہ ڈن روگ ءَ بوتگ اَنت-

نادُراھجاہ ءِ رِد ءَ تراک ءَ گیشتریں نمازی ٹپی اَنت ھم ءُ مرگ ءِ گیشی گمان –

تراک ھال رسگ ءَ پھازوکی کارندہ وئیل جاہ ءَ سر بوتگ ءُ دمگ انگر ءَ کتگ پٹ ءُ پول بندات کتگ-

اوگان پولیس رِد ءَ بنداتی پٹ ءُ پول ءَ گمان بیت تراک چنوکیں بمب سر ءَ کنگ بوتگ-

تراک زمہ واری ھچ گل ءَ نہ کتگ بلے تالبان ھکومت ءَ پد اے وڑیں وئیلانی زمہ واری داعش منّگ ءَ اِنت-