کاؤنٹر ٹیررازم ڈپارٹمنٹ ءَ بلوچستان ءِ دمگ ھاران ءَ ناشریں گل ءَ بندوکیں دو مردمانی کُشگ ءِ ٹاہ داتگ-
سی ٹی ڈی ءِ رد ءَ چیریں ھالے ءِ سر بیتگ کہ ھزدار ءَ ناشریں گل ءِ دو ناشرکار جاڑیگ اَنت چریشی ءِ پژدر ءَ سی ٹی ڈی ءَ بیڑ برتگ-
جارکش ءِ سی ٹی ڈی ءِ رد ءَ دو نیمگاں تیرگواری بیتگ چریشی ءَ ناشرکار جنگ بیتگ اَنت اشانی تہ ءَ سَے تتکگ اَنت-
سی ٹی ڈی ءِ رد ءَ جنگ بیتگیں مردمانی سیادی ناشریں گل داعش ءَ اِنت کہ اشانی تہ ءَ ناشریں مطیع اللہ پنام ءِ بسم اللہ ءَ ھوار دو مردم ھوار اَنت-
سی ٹی ڈی ءِ گوشگ اِنت کشگ بیتگینانی تہ ءَ ناشریں گل داعش ءَ بندوکیں ناشر مطیع اللہ پنام ءِ بسم اللہ ءِ نام ریڈ بک ءَ ھوار بیتگ ءُ آئی ءِ سر ءِ نھاد یک ملینے بیتگ – جارکش سی ٹی ڈی بلوچستان ءِ رد ءَ اے مردم سندھ ءِ شھر چہ شھداد کوٹ ءَ ھزداد ءَ یک گچینی اُرشے ءَ اتکگ بیتگ اَنت ءُ سورگر ءِ کوھانی تہ ءَ آ دارگ بیتگ اَنت بلے سی ٹی ڈی ءِ ٹیم ءِ سر ءَ تیرگواری ءُ دزبمبانی گون ءَ اُرش اش کتگ اَنت-