بلوچستان ءِ دمگ بسیمہ زیک ءَ کسانیں بچکے کُشگ بوتگ-

سربوتگیں ھالانی رِد ءَ بچک ءِ آوار جنگ ءَ پد کُشتگ ءُ لاش کوہ ءَ دور داتگ اش- دمگی اِھوالکارانی رِد ءَ بچک ءِ سر ءَ یک مزنیں ڈوکے جتگ ءُ کُشتگے-

مردمانی رِد ءَ گوستگیں روچ ءَ گونڈل ءَ پسّانی چارینگ ءَ لوگ ءَ چہ درتکگ ءُ شپ ءَ تاں لوگ ءَ نیتکگ ءُ کھول ءَ آئی ءِ پٹ ءُ پول بندات کتگ کہ مروچی سھب ءَ گونڈل ءِ لاش زیک ءِ کوھی دمگ ءَ دزکپتگ- گونڈل ءَ مزنیں ڈوکے ءِ جتگ ءُ کُشتگے-

دمگی انتزامیہ ءَ لاش سول ھسپتال بسیمہ ءَ برتگ بلے کوش سوب انگت زانگ نہ بوتگ گیشیں پٹ ءُ پول نہ بوگ ءَ کھول ءَ وتی کمک ءَ چہ لاش پوسٹ مارٹم کنگ ءِ ھاتر ءَ شال ءِ برگ ءِ شور کتگ-