بلوچستان ءِ بنجاھی شھر شال ءُ خضدار ءَ دو جتاجتائیں پئیمیں بمب تراکاں لیویز لشکری ءُ سی ٹی ڈی کارمند نشانگ کنگ بیتگ اَنت۔
سی ٹی ڈی ءِ کارمند شال ءِ ھند روکپتی شھدگ ءَ مینگل آباد ءِ نزیک ءَ نشانگ کنگ بیتگ اَنت۔ اھوالانی رد ءَ تراک ءَ دو کارمند ٹپی بیتگ اَنت کہ آ ٹپیگیں جاوارانی تہ ءَ نادراھجاہ ءَ برگ بیتگ اَنت۔
دومی نیمگ ءَ خضدار ءِ دمگ ءِ زھری ھنکین ءَ چہ اھوال اِنت کہ لیویز اسٹیشن دستی بمب تراک اُرش ءَ نشانگ کنگ بیتگ۔
لیویز ءِ رد ءَ تراک ءَ ھچ پئیمیں تاوانانی دیمپانی کنگ نہ کپتگ وھدیکہ اُرشکار تچگ ءَ سوبمند بیتگ اَنت۔
زانگ بہ بیت ھردویں اُرشانی زمہ واری داں انگت ھچ گل ءَ نہ من اِتگ اَنت۔