امریکہ ءِ پوج چین ءِ ھلاپ ءَ تائیوان ءِ پھزداری ءَ کنت – جوبائیڈن

امریکہ ءِ سروک جوبائیڈن ءَ گوشتگ کہ امریکہ ءِ لشکر چین ءِ اُرش ءِ ھلاپ ءَ تائیوان ءِ پھزداری ءَ کنت بلے وائٹ ھاوس ءِ گوشگ اِنت واشنگٹن ءِ پالیسی بدل نہ بیتگ-

فرانسیسی ھرالرسانیں ادارہ اے ایف پی ءِ رد ءَ یک شمبے ءِ بیگاہ ءَ امریکی چینل سی بی ایس (60 منٹس) نیاد ءَ اے جست گرگ بیتگ امریکی پوجی تائیوان ءِ پھزداری ءَ کن اَنت؟ جوبائیڈن ءُ گوشتگ ’ اگاں اے لس اُرشے بیت گڑا کنت ایں ‘-

زانگ بہ بیت اے اولی رند نہ اِنت امریکہ ءِ سروک ءَ اے ٹاہ کہ امریکہ ءِ پوج چین ءُ تائیوان ءِ جنگ ءَ بھر زور ایت – بلے داں انگت ءَ وائٹ ھاؤس ءَ پد اے درشاناں پشت ءَ کنزگ ءَ گندگ بیتگ- اشی ءَ پیسر ھمے سال ءِ مئی ءِ ماہ ءَ چاپان ءِ تر ءُ تاب ءَ آئی ءَ اے گپ کتگ ات –

زانگ بہ بیت واشٹگٹن ءَ سال نوزدہ سد ءُ ھپتاد ءُ نُھ ءَ تائیوان ءِ گون ءَ سپارتی سیادی ھلاس کتگ ات ءُ بیجنگ چین ءِ یکیں نمائندگ من اتگ ات ءُ آ یک مزنیں سیادیداری بیتگ ات-

بلے یکیں وھد ءَ ناگتی امریکہ ءَ تائیوان ءِ پلامرزی ءِ شور برے نیزوریں رنگاں داشتگ ات-

کانگریس ءِ منتیگیں یک کانونے ءِ رد ءَ امریکہ بیجنگ ءِ مزنیں لشکر ءِ ھلاپ ءَ تائیوان ءِ پھزداری ءَ باوری کنائینگ ءَ آئی ءَ جنگی ساز ءُ سامانی اژدری اِنت-

بلے اے گپ ءِ برجم دارگ ءَ سرکاری پھناتاں ’سٹریٹجک ابھام ‘ گوشگ بیت اِنت چوش بیت کنت آ پوجی دزمانجنی ءَ کت کنت –

اے پالیسی چین ءِ اُرشانی دارگ ءُ تائیوان ءِ لس آجوئی ءِ جار ءَ جنت ءُ بیجنگ ءِ سُٹگ کنگ ءَ جوڑ کنگ بیتگ-

اے جستانی پسو ءَ گوشگ بیتگ سروک جوبائیڈن ’ سٹریٹجگ ابھام ‘ مٹ کنگ ءِ لنکک داےگ؟ وائٹ ھاؤس ءِ یک جارکشے ءَ گوشتگ ’ سروک ءَ اے گپ پیسر ءَ گوشتگ ھمے سال ءَ بندات ٹوکیو ءَ بیت اِنت آئی ءَ اے گپ راست کتگ ءُ گوشتگ کہ تائیوام ءِ درگت ءَ مئے شور مٹ نہ بیتگ اَنت اے راستی اِنت-