آواران ءِ دو جتا جتائیں جاھاں پوجی بنجلانی سر ءَ اُرش کرتگ

سر بیتگیں ھالانی رد ءَ گوستگیں شپ ءَ ناشناسیں سلاہ بندیں مردماں پاکستانی لشکر ءِ سر ءَ اُرش کرتگ ءُ لشکر ءِ جانی تاوان ءِ ھال اِنت۔

گیشین ھالانی رد ءَ سلاہ بندیں مردماں آواران ءِ ھند بزداد ءِ پمپ ءَ پھازادریں لشکری کارمندانی سر ءَ مزن ءُ کسانیں سلاھانی گوں ءَ اُرش کرتگ ءُ اُرش داں دیر برجاہ بیتگ، اُْرش ءَ پاکستانی لشکر ءِ جانی تاوان ءِ ھال اِنت۔

ھمے وڑ پرندوشی ناشناسیں سلاہ بندیں مردماں آواران ءِ ھند مالار کھن ءَ پاکستانی لشکر ءِ بنجل ءِ سر ءَ گوں مزنیں سلاھاں اُرش کرتگ، اُرش ءَ پاکستانی لشکر ءَ را تاوان داتگ-

ھردوکیں اُرشانی درگت ءَ لشکری بنشونانی نیمگ ءَ تنی وھدی دگہ ھال دیم ءَ نیتکگ اَنت ناکہ اے دویں اُرشانی زمہ واری انگت ھچ گَل ءَ نہ زْرتگ اَنت –

اے دمگ ءَ گیشتر بلوچ آجوئی لوٹوکیں سلاہ بندیں گل پرکار اَنت کہ ھروھد ءَ مدامی یکشل ءَ ُاُرش بوگ ءَ اَنت-