ھاران ءُ کلات اُرشانی زمہ واری ءَ منّ ایں- بی ایل اے

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ بی ایل اے سرمچاراں ھاران ءُ کلات ءِ دو جتائیں اُرشاں زورگریں پاکستانی پوج ءُ آئی دمگی چاریگ نشانگ کتگ اَنت یکے کشتگ ءُ سے ٹپی کتگ اَنت-

جیئند بلوچ ءَ گْوشتگ کہ گوستگیں روچ ءَ بی ایل اے سرمچاراں ھاران ءِ دمگ لجے شوآپ ءِ جھمنندیں بیگ محمد ساسولی تیرگواری کتگ ءَ کُشتگ اے مرد پاکستانی پوج ءُ آئی چیریں ادارھانی جوڑ کتگیں کُشندہ ٹولی کارندہ ءُ ھاسیں چاریگ بوتگ-

جارکش ءَ گْوشتگ کہ چاریگ بیگ محمد گوستگیں بازیں مدتے ءَ چہ کلات ، ھاران ءُ کش ءُ گور ءِ دمگاں لشکر کشیاں دُژمن کارندھانی کمکاری ، کُشندہ ٹولی کارندھاں اوتاک دیگ ءُ دمگی مردماں دُژمن ءِ گوشگ پد ءَ تُرسینگ ءَ ھوار جتائیں بلوچ جُھد بگیری چست ءَ ایراں ھمگرنچ بوتگ-

جیئند بلوچ ءَ دیمتر ءَ گْوشتگ کہ بلوچ لبریشن آرمی یکرندے پد ءَ پدر کنت کہ ھرچ ھما مردم توری آئی ءِ سیادی کجام ھما ٹَک چہ بہ بیت زورگریں پوج یا آئی ءِ جوڑ کتگیں کُشندہ ٹولیانی کمکاری بک کنت یا کجام وڑیں بلوچ بگیری چست ءُ ایراں ھمگرنچ بہ بیت آ ھچ وڑ بکشگ نہ بیت ءُ زوت آ آئی ءِ کُتگیں کارانی سزا دیگ بہ بیت-

جارکش ءَ دیمتر ءَ گْوشتگ کہ کلات دمگ جوھان ءَ گوستگیں شپ ءَ بلوچ لبریشن آرمی ءِ سرمچاراں زورگریں پاکستانی پوج گاڑی ءَ سواریں کارندہ ھما وھد ءَ چیرکتگیں بمبے ءَ گوں نشانگ کتگ وھدے آ اے دمگ ءَ گشت کنگ ءَ بوتگ تراک آسر ءَ دُژمن پوج ءِ سے کارندہ ٹپی بوتگ اَنت وھدے کہ گاڑی ءَ سک باز تاوان رس اِتگ-

جیئند بلوچ ءَ گْوشتگ کہ بلوچ لبریشن آرمی اے دوئیں اُرشانی زمہ واری ءَ منّ اِیت مئے جُھد زورگریں پوج ءِ سرجمی ءَ تاں دراھگ ءُ آیانی کمکارانی ھلاس کنگ ءَ تاں برجاہ بنت-