اوگستان ءَ طالبان رھشون ءُ پاکستان ءَ نیشتگیں سپیر ملا عبدالسلام ضعیف ءَ پاکستان ءِ نیمگ ءَ جیش مھمد ءِ سروک مسعود ءِ اوگانستان ءَ جاڑیگ بیگ ءُ آئی ءِ دست ءَ دیگ ءِ لوٹ راستی ءَ پاکستان ءِ یک نوکیں پندلے ءُ اُمیت اِنت اوگان ءِ سرکار ءِ زمہ وار پاکستان ءِ اے وڑیں گیر کانونی رپک ءُ ھنرانی کنگ ءِ موکل ءَ نہ دے اَنت-
طالبان رھشون ءَ پاکستان ءِ گوستگیں وزیر داکلہ ءِ بارو ءَ درور دیان ءَ گوشتگ دوھزار ءُ یک ءَ وھدیکہ اوگان سپارت ھانہ ءَ آئی ءَ بیست ءُ یک مردمانی نام داتگ اَنت کہ آیانی تہ یَ سیف اللہ اختر ءِ نام ھم ھوار بیتگ-
ملا ضعیف ءَ گوشتگ کہ چوشکہ دوھزار ءُ یک ءَ ھما روچ ءَ پاکستانی وزیر داکلہ ءَ بیست ءُ یک شکی ئیں مردمانی نام داتگ اَنت چرایاں چہ یک ھپتگے ءَ پیسر وت پاکستانی وزیر داکلہ ءِ واھشت ءِ سر ءَ من وت کارگس ءَ سیف اللہ اختر ءِ گون ءَ گند ءُ نند کتگ-
زانگ بہ بیت گوستگین روچ ءَ پاکستان ءَ یک نیادے ءَ اوگانستان ءَ چہ لوٹ کرتگ کہ جیش مھمد ءِ سروک مسعود اظھر ءَ آیانی دست ءَ بہ دنت کہ روکپتی اوگانستان ءَ ٹپ اتگ –
زانگ بہ بیت ایف اے ٹی ایف ءَ پاکستان ءَ ناشرکارانی کمک ءِ پژدر ءِ جرم ءَ گرے لسٹ ءَ ھوار کرتگ نی پاکستان وت ءَ گرے لسٹ ءِ در کنگ ءِ جھد ءَ اِنت-