مارگٹ ءَ پاکستانی پوج ءِ سر ءَ بمب تراک

بلوچستان ءِ دمگ بولان، مارگٹ ءَ پاکستانی پوج ءِ بمب ڈسپوزل اسکواڈ ءِ کارندھانی سر ءَ بمب تراکے بیتگ چریشی ءَ آیاں جانی تاوانانی دیمپانی کنگ کپتگ-

پوج ءِ سر ءَ اُرش ھما وھد ءَ بیتگ کپ آ دمگ ءَ تر ءُ تاب ءَ بیتگ – دمگی مردمانی رد ءَ تراک ءِ آسر ءَ پوج ءَ جانی تاوانانی دیمپانی کنگ کپتگ بلے واکدارانی نیمگ ءَ دگہ گپ دیم ءَ نیتکگ اَنت-

اے دمگ ءَ اشی ءَ پیسر پوج ءِ سر ءَ وھد وھد ءِ سر ءَ اُرش بیتگ اَنت کہ آیانی زمہ واری بلوچ آجوئی دوستیں سلاہ بندیں ھلاں من اتگ اَنت-

بلوچ سلاہ بندانی نیمگ ءَ پاکستانی پوج ءِ سر ءَ یکشل ءَ اُرش برجاہ اَنت، گوستگیں روچ ءَ بلوچ لبریشن آرمی ءَ کلات ءِ ھند منگچر ءَ فرنیٹئر کور ءِ سر ءَ اُرش ءُ گزگ ءَ موبائل ٹاور ءِ دور دیگ ءِ زمہ واری من اتگ اَت انت-