کلات ءِ جھمنند ھاران ءَ چہ بیگواہ

کلات ءِ جھمنندیں بیست ءُ چار سالی ئیں ورنا ھاران ءَ چہ بیگواہ کنگ بیتگ-

سر بیتگیں ھالانی رد ءَ بلوچستان ءِ دمگ ھاران ءِ دمگ سراوان ءِ ھند ٹی ٹی ءَ پاکستانی چیریں ادارہ ءُ ڈیٹھ اسکواڈ ءِ کارندھاں دست ءَ یک ورنایے آوار جنگ ءَ پد بیگواہ کنگ بیتگ –

گیشیں ھالانی رد ءَ نوہ ستمبر دوھزار ءُ بیست ءُ دو ءَ کلات ءِ دمگ کپوتو کلاں ءِ جھمنندیں بیست ءُ چار سالی ئیں ورنا احسان اللہ ء عبدالرسول ھاران ءَ چہ دَہ کیلو میٹر دور ٹی ٹی ءَ چیریں ادارہ ءُ ڈیتھ اسکواڈ ءِ کارندھاں آوار جتگ ءُ بیگواہ کرتگ –

دمگی مردمانی رد ءَ احسان اللہ یک دھکانکارے کہ آ زورانسری آوار جنی ءَ پد بیگواہ کنگ بیتگ-

زانگ بہ بیت بلوچستان ءَ مردمانی بیگواہ کنگ یکشل ءَ برجاہ اَنت ءُ سیاسی مردمانی گوشگ اِنت ڈیتھ اسکواڈ پوج ءُ چیریں ادارھاں جوڑ کتگ ءُ بلوچ ورنایانی آوار جنی ءُ دگہ چاگردی سلکاریاں ھوار ھوار کشت ءُ کوشاں دزمانجن اِنت-