پاکستان ءِ اُستان خیبرپختوانخواہ ءِ ھند سوات ءَ بیتگیں یک بمب تراکے ءَ پولیس کارندھاں ھوار پنچ مردم بیران بیتگ اَنت –
تراک سَے شمبے ءِ بیگاہ ءَ سوات ءِ ھند کبل ءَ بیتگ، پولیس ءِ بنداتی اھوالانی رد ءَ اے یک ریموٹ کنٹرول بمب بیتگ چریشی ءَ امن کمیٹی ءِ باسک ادریس خان نشانگ کنگ بیتگ –
پولیس ءِ رد ءَ اسرمندیناں ادریس خان ءَ ھوار دو پولیس کارندہ ھم ھوار اَنت-
پولیس ءَ لاش چست کرتگ ءُ سیدو شریف ٹیچنگ ھسپتال ءَ برتگ اَنت ءُ پولیس ءَ دمگ انگیر ءَ کرتگ ءُ پٹ ءُ پول بندات کتگ-
سروزیر خیبرپختونخواہ مھمود خان ءَ گامگیج زیران ءَ انسپکٹر جنرل پولیس ءَ را سرجمیں ھالانی لوٹ کرتگ-
آئی ءَ بیران بیتگیں مردمانی کھولانی گون ءَ پدری درشان کتگ ءُ گوشتگ آیانی ساھانی روگ ءَ پدردی آں –