اوگانستان ءَ میان اُستمان ءِ ٹولی ءَ طالبان ءِ واکدارانی سر ءَ بھتام جتگ کہ آ اود ءَ کار کنوکیں زالبولاں ترسینگ ءَ اَنت-
ھالرستانیں ادارہ (اے ایف پی) ءِ رپورٹ ءِ رد ءَ میان اُستمان ءِ نیمگ ءَ اے ٹاہ ھما وھد ءَ دیم ءَ اتکگ آ اوگانستان ءَ ھستیں سَے زالبول جست ءُ پرس ءِ واستا دزگیر کرتگ اَنت-
گوستگیں سال ءِ اگست ءَ دوبر اوگانستان ءِ واک ءِ دارگ ءَ پد طالبان ءَ نیکراھی ءِ رد ءَ بازیں چیزانی سر ءَ زالبولانی سر ءَ پابندی جتگ ءُ آ لس بیڑ ءُ باڑیں جاھاں نہ روگ ءِ کڈن کرتگ اَنت-
اوگانستان ءَ میان اُستمان ءِ مشن (یو این اے ایم اے) ءَ وتی درشان ءَ گشتگ ’ اوگان ءَ زالبولاں ھواریں میان اُستمان ءِ کار کنوک طالبان ءِ واکدارانی نیمگ ءَ ترسینگ بیتگ اَنت ‘-
درشان ءَ گوشگ بیتگ کہ میان اُستمان ءِ واستا کار کنوکیں سَے اوگانی زالبول طالبان ءِ واکدار ءِ سلاہ بندیں پھازوکاں جست ءُ پرس ءِ واستا دزگیر کرتگ اَنت-