مند ءِ اُرش ءَ سَے کارمندانی زدگ بوگے ھال راست بوتگ

مروچی سھب ءَ بلوچستان ءَ پاکستانی پوج ءِ سر ءَ بوتگیں اُرشے ءَ سَے کارمند زدگ بوتگ انت کہ پوج ءَ نادراھجاہ ءَ سرکتگ انت –

مروچی دو شمبے ءِ روچ ءَ کیچ ءِ دمگ مند چکاپ پاکستانی پوج ھما وھد ءَ نشانگ کنگ بوتگ وھدیکہ آ یک پانگسے ءَ چہ دومی پانگس ءَ سامان برگ ءَ بوتگ انت –

دمگی واکدارانی رِد ءَ پوج راہ ءِ سر ءَ پیسر ءَ چی تراکناکیں شورہ کل کنگ بوتگ کہ چریشی ءَسَے کارمند زدگ بوتگ انت –

دمگی اھوالکار ءَ دی بلوچستان پوسٹ پتر ءَ گوں تران تران کنان ءَ گوشتگ کہ تراک ءَ پد ھما دمان ےَ پوجی بالگرد ءِ تراک جاہ ءَ سربوتگ – وھدیکہ زدگ بوتگیں کارمندانی پجار جاوید، حق نواز ءُ فدا ءِ ناماں چہ بوتگ انت –

گوستگیں روچ ءَ بلوچستان ءِ تیاب دپی دمگ گوادر ءَ کوسٹ گارڈ ءِ کارمند ھم دز بمب اُرشے ءَ نشانگ کنگ بوتگ انت کہ آ اُرش ءِ زمہ واری بلوچستان لبریشن فرنٹ ءَ منّ اِتگ –

بی ایل ایف ءِ جارکش ءَ رسانکدراں داتگیں وتی درشان ءِ تہ ءَ گوشتگ کہ مئے سرمچاراں گوادر ءِ دمگ جیونی ءَ پاکستانی آپی پوج ءِ ادارہ کوسٹ گارڈ ءِ سر ءَ ھما وھد ءَ اُرش کتگ کہ زر ءِ کش ءَ بوجیگ ءَ سوار بوتگ انت بلے مروچی مند ءَ بوتگیں اُرش ءِ زمہ واری ھچ گل ءَ نہ منّ اِتگ –