مستونگ ءَ تیرگواری ءَ دو مردم بیران ءُ زالبولے زدگ

سربوتگیں ھالانی رِد ءَ سلاہ بندیں مردماں گِس ءِ تہ ءَ دور کُتگ ءُ دو مردم کُشتگ انت ءُ زالبول ءِ زدگ کتگ –

گیشیں ھالانی رِد ءَ بلوچستان ءِ دمگ مستونگ کھڈکوچہ کلی حاجی محمد حسن ٹھل میتگ ءَ سلاہ بندیں مردماں گِس ءِ تہ ءَ پُترتگ ءُ محمد حسین ء محمد یعقوب ءُ بدل خان ء محمد زمان سیائیزئی شاھوانی کُشتگ انت ءُ وھدیکہ یک زالبول ءِ زدگ کُتگ ءُ تتکگ انت –

مستونگ پولیس ءَ جون ءُ زدگ بوتگیں زالبول نادراھجاہ ءَ سر کُتگ انت کہ اودا اژدری چار ٹپاس ءَ پد جون کھول ءِ دست ءَ داتگ انت –

وئیل ءِ درگت ءَ تنی وھدی ھچ وڈیں سرپدی نہ رس اتگ کہ کجام سوب ءَ اے مردم کُشگ بوتگ انت بلے پولیس اے درگت ءَ گیشیں پٹ پول کنگ ءَ اِنت –