ایرانی چیریں ادارھانی کارندھاں یک مردمے دزگیر کرتگ ءُ برتگ

روکپتی بلوچستان ءِ دمگ ایرانشھر ءَ چیریں ادارھاں لس پوشاکانی تہ ءَ یک مردمے دزگیر کرتگ ءُ برتگ –

گرگ بیتگیں مردم ءِ پجار میثم مختارزئی ءِ ھالد جھمنند ایرانشھر ءِ نام ءَ زانگ بیتگ –

دمگی مردمانی رد ءَ میثم ءِ گاڑی پہ زانت ایرانی چیریں ادارھاں ٹکر جتگ ءُ اوشتارینتگ ءُ چریشی ءَ میثم ءَ تچگ ءِ جھد کتگ ءُ ھمے میان ءَ آیاں دزگیر کرتگ-

ھالانی تہ ءَ گوشگ بیتگ ایرانی چیریں “اطلاعات “ءَ بھتام جتگ کہ آئی ءِ مئے گاڑی ٹکر جتگ ءُ چریشی ءَ آئی ءِ سر ءَ بیست ملین تومان ایرانی ملام جنگ بیتگ –

ھالانی تہ ءَ گوشگ بیتگ میثم چار روچ ءَ پد ھم یل نہ بیتگ کہ آ گوستگیں چار شمبے ءَ گرگ بیتگ ءُ چیریں زندانان برگ بیتگ –

ھالانی تہ ءَ گوشگ بیتگ کہ آئی ءِ سر ءَ دو مردمانی کوش جنگ بیتگ اَنت کہ ایرانی چیریں ادارھاں گوشتگ اے مردم میثم ءَ کشتگ اَنت-

بلے لس ھالانی تہ ءَ بازیں مردم ھمے وڑ ءَ گرگ ءُ برگ ءُ پد ءَ آیانی بازیں لٹ شاپی ءَ پد گرگ بیتگیں مردم جتگیں بھتاماں وتی سر ءَ کن اَنت-