تمپ ءِ دمگ گومازی ءَ سول سوسائٹی ءِ چیردستی ءَ منشیات ءِ بگیری ءَ زھرشانی روانک ءِ کشگ بوتگ – روانک گومازی ہائی سکول ءَ بندات بوتگ ءُ درنگاز کنوکاں سرجمیں بازار ءَ روانک کشان ءَ تاں بنجاھی چار راہ ءَ اتکگ ءُ ھلاس کنگ بوتگ – اے روانک ءَ دمگ ءں معتبر، نودربر ھر تکاں سیادی داروکیں مردماں مزنیں کچے ءَ بھر زرتگ ءُ آھاں نشہ ءِ بگیری ءَ ترندیں نارہ جتگ – درنگاز کنوکاں منشیات ءِ بگیری ءَ پلے کارڈ ھم دست ءَ بوتگ انت –
زانگ بہ بیت گومازی ءَ منشیات ءِ بگیری ءَ سول سوسائٹی وتی کمک ءِ وت اولی روچاں چہ توار چست کنگ ءَ انت –
آھانی گوشگ انت کہ تمپ ءِ گیشتریں دمگاں نشہ چہ آلو ٹماٹر ءَ ھم کم نھاد ءَ بھا بوگ ءَ انت – نشہ ءِ سوب ءَ دمگ ءِ تہ ءَ دُزی ءُ ڈنگیانی تہ ءَ ھم گیشی اتکگ بلے دومی نیمگ ءَ سرکار ھچ نہ گوشگ مئے پھم ءَ در انت –