برطانیہ ءِ راجبانک الزبتھ بیران بیتگ

برطانیہ ءَ درستاں گیشترین وھداں ھاکمی کنوکیں راجبانک الزبتھہ دوم نود ءُ شش سال ءِ اُمر ءَ بیلمورل ءَ بیران بیتگ-

آئی ءَ ھپتاد سال ءَ داں برطانیہ ءِ سر ءَ ھاکمی کتگ – پشمبے ءِ روچ ءَ آئی ءِ جاور ناگیگ بیرگ اَنت ءُ چریشی ءَ آئی ءِ ٹک اسکاٹ لینڈ ءَ آئی ءِ لوگ ءَ مُچ بیتگ اَنت-

ازبتھ 1952 راجبانک جوڑ بیتگ ءُ آئی ءَ وتی وھد ءَ چاگرد ءِ بازیں بدلی آورتگ اَنت-

آئی ءِ مرگ ءَ پد آئی ءِ مستریں زھگ ءُ ویلز ءِ گوستگیں شھزادگ چارلس برطانیہ ءِ نوکیں بادشاہ ءُ دولت ءِ ھمگرنچی ءَ چاردہ ڈیھ ھوار بنت-

یک درشانے ءَ بکنگھم پیلس ءَ گوشتگ ‘راجبانک ءِ مرگ ءِ بے تواریں رنگے ءَ گوستگیں نیم روچ ءَ بیلمورل ءَ بیتگ ’ –

راجبانہ الزبتھ دوم ءِ ھاکمی ءَ دومی میان اُستمانی جنگ ءَ پد کفایت شعاری ءِ مھم ءِ برطانیہ ءِ راج ءِ کامن ویلتھ ءَ بدلہ آورتگ جنگ ءِ ھلاسی ءُ برطانیہ ءِ یورپی یونین ءِ روگ ءُ آئی ءِ درایگ درست ھوار اَنت-

ھمے وھداں پانزدہ وزیر اعظم اتکگ بیتگ اَنت کہ اشانی تہ ءَ درستاں مستریں ونسٹن چرچل بیتگ سال 1874 ءَ پیداگ بیتگ ھمے وڑ برطانیہ ءِ نوکیں سروزیر لزٹرس اِنت آ راجبانک ءَ ھپتگ ءِ روچ ءَ نامینتگ – آئی ءِ یک سد ءُ یک سال ءَ پد 1975 ءَ پیداگ بیتگ آئی ءَ وتی دور ءِ وھد ءَ وزیر اعظم ءِ گون ءَ گپ ءُ ترانانی تہ ءَ ھپتگی کتگ-

الزبتھ دوم ءِ مرگ ءِ ھار برطانی وھد ءُ پاس ءِ رد ءَ ساھت شش ءُ سی منٹ ءَ بیتگ یونین جک سرنگوں کتگ – لندن ءِ شھری بکنگھم پیلس ءِ نیمگ ءَ راجبانک ءِ جاندراھی ءِ ودار ءَ بیتگ اَنت ءُ بلے آئی ءِ مرگ ءِ ھال ءَ پد مھلوک گمیگ بیتگ اَنت-

راجبانک الزبتھ 21اپریل 1926 ءَ لندن ءِ دمگ فیئر ءَ ودی بیتگ آئی ءِ سرجمیں نام الزبتھ الیگزینڈرا میری ونزر بیتگ – آ وھد ءَ باز کم مردماں اے گمان بیتگ کہ اے برطانیہ ءِ سر ءَ ھاکمی کنت-

ھمے وڑ ءَ ستمبر ھژدرہ سد ءُ سی ءُ شش ءَ وھدیکہ آئی ءِ ناکو ایڈورڈ ھشتم ءَ شاہ ءِ سر ءَ دزکشی کتگ آ دوبر امریکی جنوزامیں امریکی شھری والس سمپسن ءِ گون ءَ آروس کرتگ گڑا الزبتھ ءِ پت جارج ششم بادشاہ بیتگ ءُ دَہ سال ءِ اُمر ءَ الزبتھ شاھی تھت ءِ وارس جوڑ بیتگ-

سَے سال ءَ ہد برطانیہ ءَ نازی جرمنی ءِ ھلاپ ءَ جنگ کتگ – الزبتھ ءُ آئی ءِ کستریں گوھار مارگریٹ ءَ جنگ ءِ وھد ءَ گیشتر وتی وھد ونڈزر کاسل ءَ گوازینتگ آیانی پت ءُ ماتاں ھمے شور کرتگ کہ شمئے رکگ ءَ شمارا کینڈا روان دے آں-

راجبانک الزبتھ ءَ 18 سال ءِ امر ءَ پنچ ماہ ءَ ایگزیلری ٹیریٹوریل سروس ءِ ھمراھی ءُ ھمے وھد یَ موٹر جوڑ کنگ ءِ کار ءَ ابید ڈرائیونگ ءِ ھنرے ھم دربرتگ پد ءَ آئی ءَ وتی یاداشتانی تہ ءَ گشتگ ات کہ من ءَ اے سرپدی بیت اِنت دشمن ءِ جاڑیگ بیگ ءَ پھر ءِ سما چی ءَ گیش بیت اِنت-

جنگ ءِ وھد ءَ آئی ءَ وتی دوریں سیاد ءُ یونان ءِ شھزادگ فلپ ءَ نمدی یے کتگ کہ آ وھد ءَ رائل نیوی ءَ بیتگ آئی ءِ آشکی ءِ سیادی مھکم بیتگ ءُ بیست نومبر سال دوھزار ءُ چل ءُ ھپت ےَ ویسٹ منسٹر ایبی ءَ ھردوکانی آروس کتگ اود ءَ شھزادہ فلپ ءَ ڈیوک آف ایڈنبرا ءَ تران کتگ-

راجبانک الزبتھ ءَ یک ترانے ءِ تہ ءَ فلپ ءِ گون ءَ ھپتاد ءُ چار سالی ئیں اروس ءِ مھکمی گوشتگ ءُ شھزادہ فلپ دوھزار ءُ بیست ءُ یک ءَ نود ءُ نُھ سال ءِ اًر ءَ بیران بیتگ اَت-