بلوچستان ءِ دمگ کیچ ءَ سی پیک ءِ پھازوکیں پاکستانی لشکر نشانگ کنگ بیتگ-
پوج ءِ سر ءَ اُرش کیچ ءِ دمگ کولواہ ءِ ھند آشال ءَ مروچی سھب ءَ بیتگ – اُرش آماچیں کارندہ سی پیک ءِ پھزداری ءَ بیتگ اَنت کہ سلاہ بندین مردماں ناگتی آیانی سر ءَ اُرش کرتگ –
دمگی مردمانی رد ءَ پوج ءَ جانی ءُ مالی تاوانانی دیمپانی کنگ کپتگ ءُ اُرشکاراں پشت اشتگ ءُ شتگ اَنت – پوج ءِ دگہ کارندہ اتکگ ءُ سر بیتگ اَنت دمگ اش انگیر کرتگ ءُ اُرشکارانی پٹ ءُ پول اش بندات کتگ-
اُرش ءِ زمہ واری تنی وھدی کس ءَ پہ وت ءَ نہ زرتگ بلے گوست ءَ بلوچ آجوئی لوٹوکیں گلاں اے وڑیں اُرشانی زمہ واری من اتگ اَنت –
سی پیک ءَ بلوچ پھناتاں لٹ ءُ پولی دگ گوشگ بیتگ ءُ اشی ءَ ابید ھم پاکستانی دگہ بند ءُ ساچی کارانی سر ءَ یکشل ءَ اُرش بیگ ءَ اَنت-