چہ کیچ ءَ بیگواھیں ورناہ تلار ءَ کپتگ ءُ بیران بیتگ

بلوچستان ءِ دمگ کیچ ءَ ورنائیں نودربر ناگتی بیگواہ بیتگ، مروچی آئی ءِ لاش دزکپتگ آ کوہ ءَ کپتگ ءُ بیران بیتگ –

سربوتگیں ھالانی رِد ءَ دشت ءِ دمگ جمک ءَ دراتکگیں شانزدہ سالی ئیں عبداللہ ء رسول بخش جھمند جمک واتر میتگ ءَ سر نہ بوتگ ءُ آئی ءِ لاش دزکپتگ کہ آ تلار ءَ کپتگ ءُ بیران بیتگ-

اِھوالکارانی رِد ءَ گوستگیں روچ ءِ نیم روچ ءِ وھد ءَ عبداللہ ءِ رسول بخش چہ جمک ءَ درتکگ ءُ دیم پہ پکنک جاہ ءَ جنز اِتگ ءُ آئی ءِ کھول پکنک جاہ ءَ ساڑی بوتگ بلے عبداللہ پکنک جاہ ءَ سر نہ بوتگ-

دمگی ھالانی رد ءَ آ کوہ ءَ کپتگ ءُ بیران بیتگ کہ آ وتی کھول ءِ ھمراھی ءَ گوستگیں روچ ءَ پکنک ءَ شتگ بیتگ ءُ ھمے میان ءَ ناگتی کوہ ءَ کپتگ ءُ آ بیران بیتگ-

کھول ءِ رد ءَ عبداللہ ماڈل ھائی اسکول تربت ءِ یک نودربرے بیتگ ءُ آئی ءِ اُمر شانزدہ سال بیتگ کہ گوستگیں روچ ءَ وتی کھول ءِ ھمراھی ءَ پکنک ءَ شتگ بیتگ-