اشکرانی کھن ءَ گیس ءِ پُر بوگ ءَ تراک بوتگ چریشی ءَ کاریزکارے بیران بیتگ – وئیل بلوچستان ءِ دمگ ھرنائی ءِ ھند طالب لیز ءَ پیش اتکگ-
تراک اشکرانی کھن ءَ میتھین گیس ءِ پر بوگ ءَ دم گُٹ ءَ بوتگ-
زانگ بہ بیت اے اولی وئیل نہ اِنت کہ ھرنائی یا بلوچستان ءِ دگہ جاھاں گیس تراکاں کاریزکار بیران بیتگ اَنت بلوچستان ءَ اشکرانی کھن ءَ وھدیکہ کاریزکار پتر انت گڑا آیانی جان ءُ ساھاں ترسناک بیت اِنت اشی ءِ بنکی سبب کاریزکاراں گیس ءَ کھناں تراکانی رکگ ءَ بنکی سرپدی نیست اِنت ءُ اشکرانی کھنانی واھند چوشیں چیزاں ڈالچار کن اَنت-
اشی ءَ ابید کاریزکاریں پوریاگراں بنکی آسراتی نیست اِنت ءُ وئیل ءِ بیگ ءِ وھد ءَ جاڑیگیں گر ءُ دار کنوکیں چیز نیست اِنت –
ھرنائی وئیل ءَ بیران بیتگیں کاریز کار ءِ لاش ڈسٹرکٹ ھیلتھ ھپستال ءَ برگ بیتگ ءُ اود ءَ اژدری چار ءُ ٹپاس ءَ پد لاش کھول ءِ ھوالگ ءَ کنگ بیتگ –