آواران ءِ دمگ مشکے ءَ پاکستانی لشکر ءِ کاروان ءِ سر ءَ ریموٹ کنٹرول بمب اُرش ءِ زِمہ واری ءَ منّ اِیں- بی ایل ایف

بلوچستان لبریشن فرنٹ ءَ آواران ءِ دمگ مشکے اوگار ءِ ھند ءَ پاکستانی لشکر ءِ کاروان ءِ سر ءَ ریموٹ کنٹرول بمب اُرش ءِ زِمہ واری منّ اِتگ۔

بلوچستان لبریشن فرنٹ ءِ جارکشّ میجر گْوھرام بلوچ ءَ وتی شِنگ کُرتگیں درشان ءِ تہ ءَ گْوشتگ کہ دو تُومشان (2 ستمبر ) آدینگ ءِ بیگاہ ءَ مئے سرمچاراں آواران ءِ دمگ مشکے اوگار ءِ ھند ءَ پاکستانی لشکر ءِ گشتی ٹولی ءِ سر ءَ گوں ریموٹ کنٹرول بمب ءَ اُرش کُرتگ، اُرش ءِ آسر ءَ پاکستانی لشکر ءَ را جانی ءُ مالی تاوان رس اِتگ۔

جارکشّ میجر گْوھرام بلوچ ءَ وتی درشان ءِ گُڈّسر ءَ گْوشتگ کہ داں زُورگِپتیں بلوچستان ءِ آجوئی ءَ دُژمِنیں لشکر ءِ سر ءَ مئے اے اُرش گوں تْرندی ءَ برجاہ بَہ اَنت۔