قلات ءَ ٹیل ءُ گیس کمپنی ءِ سائٹ سر ءَ بوتگیں اُرش ءِ زمّہ واری بی ایل اے ءَ منّ اِتگ

بلوچ سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ قلات ءِ دمگ شیخڑی ءَ ٹیل ءُ گیس شوھاز کنوکیں کمپنی پاکستان پٹرولیم لمیٹڈ ءِ سائٹ سر ءَ بوتگیں اُرش ءِ زمّہ واری منّ اِیں –

جارکش جئیند بلوچ ءَ گوشتگ کہ مئے سرمچاراں ھژدہ جولائی ءَ ھمے سائٹ ءِ گیس ءِ چات ءِ تراک ناکیں شورواں گوں تباہ کتگ – آئی ءَ گوشتگ کہ ما پی پی ایل ءَ مکن کن ایں کہ آ بلوچ ءِ مال ءُ مڈیانی لٹ ءُ پُل پروجکٹاں بند بہ کنت ءُ چہ بلوچستان ءَ در بہ ایت اگاں ناں گڈا چدو گیشتر ترندتریں اُرش کنگ بیت اِنت –