اوگانستان: ھرات ءَ وتکش تراکے ءَ نامی ئیں عالم دین بیران

اوگانستان ءِ اُستان ھرات ءَ آدینگ ءِ نماز ءِ وھد ءَ یک وتکش تراکے ءَ اوگان طالبان ءِ مزن نامیں رھشون شیخ مولوی مجیب بیران بیتگ-

وئیل ءِ راست کنان ءَ ھرات ءِ گورنر ءِ جارکش ءَ اوگان رسانکدراں گوں گوشتگ کہ آدینگ ءِ نماز ءِ وھد ءَ مسیت ءِ تہ ءَ یک وتکش تراکے بیتگ چریشی ءَ مولوی انصاری ءَ ھوار بازیں مردم بیران بیتگ اَنت-

دمگی مردمانی رد ءَ داں انیگ ءَ مولوی انصاری ءَ ھوار چل ءُ شش مردم بیران بیتگ اَنت ءُ ھشتاد ءُ شش زدگ بیتگ اَنت-

امارت اسلامیہ ءِ جارکش ذبیح اللہ مجاھد ءَ یک ٹویٹے ءَ راست کتگ کہ عالم دین مجیب الرحمان انصاری ھرات ءَ آدینگ ءِ نماز ءِ وھد ءَ جنگ بیتگ-

آئی ءَ گوشتگ کہ اے وئیل ءَ ھواریں مجرم سزا دیگ بنت اِنت-

وئیل ءِ زمہ واری تنی وھدی ھچ گل ءَ پہ وت ءَ نہ زرتگ-