ایران ءَ آیوکیں ٹماٹر ءُ پیماز لوڑیں ٹرک دارگ بیتگ اَنت

پاکستان ءِ سرکار ءِ تچکیں منگ ءَ ابید ایران ءَ آیوکیں ٹماٹر ءُ پیماز دارگ بیتگ اَنت-

سرکار ءَ ٹماٹر ءُ پیماز ءِ آیگ ءِ سر ءَ ڈیوٹی ءُ ٹیکس زیرو کنگ بیتگ – بلے بابِ دوستی ءِ سر ءَ جاڑیگیں واکدارانی رد ءَ اے ٹرکاں ابید ٹیکس ءَ یل کنگ ءِ منگ نامہ نیتکگ –

مروچی ایران ءَ آیوکیں ٹماٹر ءَ لوڑیں ٹرک یکے بس شتگ، بلے بازیں کچے ءَ ٹرک انگت ءَ سیمسر ءَ اوشتوک اَنت-

سرکار ءَ توپان ءَ بیوکیں تباھی ءَ پد اتکگیں ڈگال ءِ کم کنگ ءِ واستا ٹماٹر ءُ پیماز ءِ آیگ ءِ سر ءَ ٹیکس 31دسمبر 2022 ءَ یل کتگ-

پیماز ءُ ٹماٹر ءِ آیگ ءِ سر ءَ سیلز ٹیکس ءُ ودھولڈنگ ٹیکس یل کنگ بیتگ وفاقی کابینہ ءِ نیمگ ءَ سمری منگ ءَ پد فیڈرل بورڈ آف ریونیو (ایف بی آر) ءِ نوٹیفکیشن شنگ کتگ-

سمری ءِ رد ءَ گوستگیں ھوراں بیوکیں کشت ءُ کشاراان تباھی ءِ رنگ اتکگ انی بیتگیں دمگی مارکیٹ ءَ کشت ءُ کشاری ءِ گیشتر پیماز ءُ ٹماٹر ءِ المی آرگ ءَ اژدری اِنت-

گورتگیں ھور ءُ توپان ءِ سبب ءَ ورد ءُ نوشی نھادانی برزی یکشل ءَ برز شتگ بیتگ گیشتر ٹماٹر ءُ پیماز ءِ نھادانی تہ ءَ گیشی اتکگ چریشی ءِ سبب ءَ نیزگاریں مھلوک ءِ وس ءَ چہ ڈن اَنت-

وزیر ھزانہ مفتاح اسماعیل ءَ گوشتگ کہ پیماز ءِ نھاد ءَ پنچ سری برز بیتگ سرکار ورد ءُ وردنی نوشکاری ءِ نھاداں الم کنگ ءِ پالیسیاں گامگیج زورگ ءَ اِنت چریشی ءَ ھندوستان ءَ چیزانی آرگ ءِ سوڑگ ءَ کنگ ءَ اَنت-

زانگ بہ بیت سرکاری نیاد ءَ پیسلہ بیتگ وزارت وراک ایران ءُ اوگانستان ءَ پیماز ءُ ٹماٹر ءِ آرگ ءَ بیست ءُ چار کلاک ءَ پد اجازت دیگ بیت اِنت-

نیاد ءَ گوشگ بیتگ کہ گچینی کار ءُ باری انتزامیہ ءِ سبب ءَ ایران ءُ اوگانستان ءَ آرگ ءَ کم نھاد ءَ کپ اَنت-