شال بیگواھیں مردمانی کھولانی نندانک ءَ پشتون رھشوناں بھر زرتگ

عوامی نیشنل پاٹی ءِ سوبائی سرکماش ءُ سوبائی پارلیمانی رھشون اصغر خان اچکزئی ءَ گوں وتی پاٹی ءِ دگہ رھشونانی ھمرائی ءَشال گورنر کارگس ءِ دیم ءَ بیگواھیں مردمانی کھولانی نندانک ءَ بھر زرتگ ءُ بیگواھیں مردمانی کھولانی گوم ءَ دلپدردی درشان اتگ –

پشتون رھشونانی گوشگ ات کہ ھر ریاست ءِ تہ ءَ واکدارانی زمہ واری بیت اِنت کہ وتی مردمانی جان ءُ مال ءِ پھریز ءَ بہ کنت – بیگواھیں مردمانی کھولاں دو دھک انت کہ درد ءُ رنجانی تہ ءَ گوزگ انت ھرکسے ءِ سر ءَ اگاں کتکاری ءِ الزام ءِ ھست آمیدگس ءَ آرگ بہ بیت –

آھانی گوشگ ات کہ بنکی انسانی ھکانی لگتمالی پہ جمھوریت ءِ واست ءَ جوانیں گامگیج ءِ نہ انت پُرایمنین جھد روچ ءِ ناں روچے الم رنگ کاریت – ھما درد ءُ اندوھانی تہ ءَ کہ شما گوزگ ات ما پدردیگ انت –

بنجل ءَ اتکگیں مردمانی میان ءَ تران کناں بیگواھیں مردمانی کھولانی گوشگ ات کہ مارا ھرچی بیت بہ بیت بلے وتی دوستیگیں مردمانی ھاتر ءَ پُرایمنی ءَ گوں وتی توار ءَ چست کن ایں – ھمے وھد ءَ درنگاز کنوکاں عوامی نیشنل پاٹی ءِ سوبائی سرکماش ءُ سوبائی پارلیمانی رھشون اصغر خان اچکزئی بانداتگیں مراگش ءَ آھگے داوت ھم داتگ –