ڈالر ءِ یکشلیں برزی نھاد دھمی روچ ءَ ھم برزی ءَ گندگ بیتگ-
بیست ءُ ھشت اگست ءَ شمبے ءِ روچ ءَ انٹر بینک ڈالر ءِ نھاد ءَ سِی ءُ چار پیسہ برز بیتگ- انٹربینک ءَ امریکی ڈالر ءِ نھاد دو سد ءُ بیست ءُ یک ءَ سر بیتگ-
انٹر بینک ءَ امریکی ڈالر دھمی روچ ءَ ھشت ءَ پانزہ کلدار بزر بیتگ-
آدینگ ءَ اوپن مارکیٹ ءَ ڈالر ءِ نھاد دو سد ءُ سی ءَ برز بیتگ ات پد ءَ انٹر بینک ءَ مارکیٹ ءَ ڈالر ءِ دگہ یک یک کلدار ءُ یازدہ پیسہ ءِ برز بیگ ءَ پد دو سد ءُ بیست ءُ پنجاہ پیسہ بزر بیتگ ات-
کرنسی ڈیلرز ءُ کشوکاں اے گماج پدر کرتگ کہ ڈالر اسمگلنگ بیگ اِنت ءُ ڈالر ءِ نھاد ءَ برش کنگ ءَ مافیا یک رندے پد ءَ پرکار اَنت-