یکشلیں ھورانی سبب ءَ شال بازیں جاھاں رھوتی دروشم ءَ سستگ

ترندیں ھور ءُ توپانی سبب ءَ شال چہ دگہ جاھاں زمینی، برزی ءُ دامگی رھوتی ءَ سستگ – شال ءَ گوستگیں روچ ءَ بندات بیتگیں ھور شپ ءَ برجاہ بیتگ اَنت-

یکشلیں ھورانی سبب ءَ شھر ءَ موبائل پون سروس، لینڈ لائن، بجلی، گیس بینکینگ سسٹم بند اَنت زمینی راہ ھم بند، برزی رھوت ھم بند کنگ بیتگ اَنت، چریشی ءَ پد شال ءَ ایمرجنسی جتگ-

اسسٹنٹ کمشنر شال ءَ ترندیں ھورانی سبب ءَ توپانی ھاراں شال آیگ ءِ گمان کتگ ءُ ھارانی دپ ءَ نزیکیں مردم مھکمیں جاھاں برگ بیتگ اَنت-

مولم شناسانی رد ءَ گوستگیں سِی اداراھاں یکشلیں ھور ءَ پد شانزدہ اداراں دگہ ھورانی گمان اِنت –

مولم شناسانی رد ءَ نوکتریں تاکتورءں اسپیل ءَ شال ءَ ھوار بلوچستان ءِ برزی جاھاں گوریچانی دمگ پد ءَ توپان ءَ مٹ کتگ اَنت، برزی جاھاں بازیں توپانی ھاراں لوگ ءُ باگ تباہ کرتگ اَنت-

مولم شناس ءِ رد ءَ گوستگیں روچ ءَ سرجمیں بلوچستان ءَ دگہ ھورانی رچگ ءِ جار پرینتگ اَت ھورانی گوارگ ءَ کور ءُ شپیانی پر بوگ ءُ دگانی پروشگ ءُ پھلانی پروشگ ءَ پد بلوچستان ءِ زمینی راہ دگہ اُستاناں سستگ –

ھورانی سبب ءَ بلوچستان چمن ءُ دگہ جاھانی موبائل نیٹورک ءُ انٹرنیٹ سروس اسرمند بیتگ-