بلوچستان ءَ توپانی ھورانی گوارگ ءَ چہ شال ءُ کراچی ءِ مزن شھدگ یک رندے پد ءَ ھرچ رنگیں روگ ءُ آیگی ءِ واستا بند کنگ بیتگ-
ڈپٹی کمشنر مستونگ سلطان بگٹی ءِ رد ءَ لسبیلہ ڈسٹرکٹ ءَ یک رندے پد ءَ ترندیں ھورانی گوارگ ءَ لُھر کشیں آپ ھار اِنت چریشی ءِ سبب ءَ شال ءُ کراچی ءِ مزن شھدگ ھرچ وڑیں رو آیگی ءِ بند اِنت ءُ اے رھاں روگ ءُ آیگی مھتل اَنت-
آئی ءَ گوشتگ چہ شال ءَ کراچی ءَ سپر کنوکیں مساپر، بس، مال برداری مزنیں گاڑی ءُ دگہ کسان ءُ مزنیں گاڑیاں سپر کنگ ءِ ھاتر ءَ سرپدی یے دے آں شال ءُ کراچی ءَ مزن شھدگ ءَ سپر کنگ ءَ پھریز بہ کن اَنت دانکہ آیاں دگہ جنجال ءُ جیڑہ درپیش مہ بنت-
آئی ءَ گوشتگ کہ یکشلیں ھورانی گوارگ ءَ مزن شھدگ سپر کنگ ءِ سنچ ءَ نہ اِنت دزبندی اِنت ٹرانسپورٹر ءُ مھلوک شال ءُ کراچی ءَ سپر کنگ ءَ پھریز بہ کن اَنت-